Business

ગુજરાતીમાં સાહસિક છે અને તેથીજ શેરબજારમાં તેઓ પાયોનીયર- રોકાણકાર પણ ગણવામાં આવે છે. જો કે હાલનો સમય રોકાણની દ્રષ્ટિએ નેગેટીવ રહ્યો. ખાસ કરીને આઈપીઓમાં હુંડાઈથી સ્વીગીના આઈપીઓએ લીસ્ટીંગ ગેઈનથી કમાણી કરનારને માટે ધબડકા જેવા બની રહ્યા છતા પણ સપ્ટેમ્બર માસમાં નવા રોકાણકારોની નોંધણીની દ્રષ્ટીએ ગુજરાત નવા રેકોર્ડ બનાવી રહ્યું છે અને દેશમાં એક માત્ર રાજય એવું બન્યું છે જેના એક-બે નહી પુરા ચાર જીલ્લા નવા રોકાણકારની નોંધણીની દ્રષ્ટીએ ટોપ પર રહ્યા છે. રાજયમાં અમદાવાદ, સુરત, રાજકોટ અને પ્રથમ વખત ભાવનગર એ નવા રોકાણકારની દ્રષ્ટીએ પુના અને બેંગ્લોર જેવા મેગા સીટીને પણ પાછળ રાખી દીધો છે. ભાવનગર હવે આ રીતે ગુજરાતમાં શેરબજાર રોકાણમાં આગળ વધી રહ્યું છે. ઓગષ્ટની સરખામણીએ સપ્ટેમ્બર માસમાં ભાવનગરમાં 283% વધારા સાથે 30000 નવા રોકાણકાર નોંધાયા હતા અને તેણે પુના-બેંગ્લોરને પણ પાછળ રાખી દીધા છે. અમદાવાદમાં 52000 નવા રોકાણકારોએ શેરબજારમાં એન્ટ્રી કરી છે અને સુરતમાં પણ 130%ના વધારા સાથે 51000 નવા રોકાણકાર નોંધાયા છે. રાજકોટમાં 26000 નવા રોકાણકાર નોંધાયા, જે 193%નો માસીક વધારો છે. દેશમાં કોઈ એક રાજયમાં ચાર-ચાર જીલ્લામાં નવા રોકાણકારોની સંખ્યા આ હદે વધી હોય તેમાં ગુજરાત એક માત્ર છે. રાષ્ટ્રીય દ્રષ્ટિએ દિલ્હીમાં 1.30 લાખ નવા રોકાણકાર નોંધાયા છે. બીજા ક્રમે મુંબઈ 87000 ફ્રેશ ઈન્વેસ્ટર શેરબજારમાં દાખલ થયા છે. આમ શેરબજાર રોકાણમાં ગુજરાતમાં જે ઈન્વેસ્ટર કલ્ચર છે તે સતત વધી રહ્યું છે. શેરબજારમાં ફયુચર-ઓપ્શન ટ્રેડીંગમાં પણ ગુજરાતીઓનો ફાળો મોટો છે. એક સમયે રીયલ એસ્ટેટ અને સોનામાં રોકાણ કરી સલામતી શોધતા હતા પણ હવે લોકો પાસે આવક વધી છે તો તેઓ પક્ષની મૂડીને શેરબજારમાં આપી રહ્યા છે.

મુંબઈઃશેરબજારમાં છેલ્લા બે મહિનાથી મંદીનો દોર છે અને ઈન્વેસ્ટરોની સંપતીમાં કરોડો-અબજો રૂપિયાનું ધોવાણ થયુ છે ત્યારે તેની અસર હવે પ્રાયમરી માર્કેટમાં પણ પડવાનું શરૂ થઈ ગયુ છે. આઈપીઓમાં રોકાણ કરવામાં મોટા ઈન્વેસ્ટરોનો રસ ઓછો થઈ જવાને પગલે હવે મુખ્યત્વે સંસ્થાકીય ઈન્વેસ્ટરોનાં સહારે જ ભરણા છલકવાનો આધાર રહ્યો છે. પ્રાયમરી માર્કેટમાં આવેલા છેલ્લા 10 માંથી 8 આઈપીઓમાં હાઈ નેટવર્થ ઈન્વેસ્ટરોએ રોકાણ ઘટાડી નાખ્યાનું બહાર આવ્યું છે.સ્વીગી, હુન્ડાઈ ઈન્ડીયા, નીવા બુવા હેલી, ગોદાવરી બાયો રીફાઈનરીમાં એચએનઆઈ કેટેગરીમાં પર્યાપ્ત રોકાણ થયુ નથી. જયારે અન્ય ચાર આઈપીઓમાં તો એચએનઆઈ કેટેગરીમાં સીંગલ ડીજીટમાં પણ રોકાણ થયુ ન હતું. અગાઉના આઈપીઓમાં એચએનઆઈ કેટેગરીમાં નિર્ધારીત ફાળવણી કરતા સરેરાશ 116 ગણુ રોકાણ થતુ હતું. નિવા બુપા હેલ્થ ઈુસ્યોરન્સના આઈપીઓમાં એચએનઆઈ કેટેગરીમાં 71 ટકા રોકાણ થયુ હતું. આઈપીઓ કુલ 1.9 ગણો ભરાયો હતો. સ્વીગીનાં 11327 કરોડનાં આઈપીઓમાં એચએનઆઈ કેટેગરીમાં રોકાણ માત્ર 41 ટકા હતું. સમગ્ર આઈપીઓમાં 3.59 ગણો છલકાયો હતો. એકમે સોલાર હોલ્ડીંગમાં એચએનઆઈ કેટેગરીમાં 1.02 ટકા રોકાણ થયુ હતું. પ્રાયમરી માર્કેટનાં નિષ્ણાંતોનાં કહેવા પ્રમાણે સેકન્ડરી માર્કેટની મંદી, ગ્રે માર્કેટ પ્રિમીયમમાં ઘટાડો તથા ફંડ મેળવવાનું મોંઘુ થતાં એચએનઆઈ રોકાણમાં ઓટ આવવા લાગી છે.આઈપીઓનાં ભરણાનો આધાર ગ્રે માર્કેટનાં પ્રિમીયમ પર જ હોય છે તે હવે તુટવા લાગ્યા છે. એટલે કાંઈ વળતર ન મળવાના સંજોગોમાં રોકાણકારો મોઢુ ફેરવી લે તે સ્વાભાવીક છે. શેરબજારમાં સેન્સેકસ 27 સપ્ટેમ્બરે સર્વોચ્ચ ઉંચાઈએ પહોંચ્યો હતો અને ત્યારપછી અત્યાર સુધીમાં 11 ટકા નીચો આવી ગયો છે.હુન્ડાઈ ઈન્ડીયાનો આઈપીઓ 27870 કરોડનો હતો એચએનઆઈ કેટેગરીમાં માત્ર 60 ટકા જ ભરાયો છે. સેગીલીટીમાં 1.93 ગણો ભરાયો હતો. શેરબજારનાં નિષ્ણાંતોનાં કહેવા પ્રમાણે સ્થાનિક તથા વૈશ્વિક કારણોથી શેરબજારમાં મંદી સર્જાતા પ્રાયમરી માર્કેટ ઠંડુ પડી રહ્યું છે. સંસ્થાકીય સિવાયનાં ઈન્વેસ્ટરો મોઢુ ફેરવવા લાગ્યા છે. ભારતીય કોર્પોરેટ ક્ષેત્રનાં પરિણામો પ્રમાણમાં નબળા રહ્યાની પણ અસર છે. સપ્ટેમ્બર મહિનામાં 13 આઈપીઓમાં મોટા ઈન્વેસ્ટરોએ સરેરાશ 180 ગણુ રોકાણ કર્યુ હતું. ઓગસ્ટમાં 10 આઈપીઓમાં સરેરાશ રોકાણ 128 ગણુ હતું. મનબા ફાઈનાન્સમાં રેકોર્ડબ્રેક 512 ગણુ તથા કેઆરએમ ચીટમાં 400 ગણુ હતું. બજાજ હાઊસીંગમાં પણ 44 ગણુ રોકાણ કર્યું હતું.

મુંબઈઃબેંકો અને નોન-બેન્કીંગ કંપનીઓ દ્વારા આડેધડ ગોલ્ડ લોન અપાતી હોવાની રીઝર્વ બેન્કની નોંધ બાદ હવે તેમાં માસીક હપ્તાનો નવો યુગ શરૂ થવાના સંકેત છે. ગોલ્ડ લોન લીધા બાદ તુર્ત જ પુર્ન ચુકવણી માટે માસીક હપ્તાની સીસ્ટમ અમલી બનાવવાનાં ચક્રો ગતિમાન થયા છે. આ સિવાય ટર્મ લોનનો વિકલ્પ પણ વિચારવામાં આવી રહ્યો છે. બેન્કીંગ સુત્રોએ કહ્યું કે રીઝર્વ બેન્કની સુચના સ્પષ્ટ છે. ગોલ્ડલોન પેટે જામીનગીરી તરીકે મુકાતા સોના પર નિર્ભર રહેવાના બદલે લોનધારકની નાણા ચુકવવાની ક્ષમતા ચકાસવા કહ્યું છે. ગોલ્ડ લોનની મુદત વધારી દેવા માટે રોલઓવર સીસ્ટમ સામે પણ રીઝર્વ બેન્કને વાંધો છે આ સંજોગોમાં માસીક હપ્તામાં ચુકવણીનો વિકલ્પ વિચારણામાં છે. રીઝર્વ બેન્કે ગત સપ્ટેમ્બરમાં જ બેંકોને પાઠવેલા પરિપત્રમાં સોનાના દાગીના પર અપાતી લોનમાં ગેરરીતી સામે અંગુલી નિર્દેશ કર્યો હતો. સોનાના વેલ્યુએશન ઓકશનમાં પારદર્શીતા, સોનાની કિંમત સામે લોનની રકમ, જોખમની માત્રા સહીતના મુદાઓમાં પ્રતિ હોવા તરફ ઈશારો કર્યો હતો. ઉપરાંત ગોલ્ડ લોન રોલ ઓવર કરી દેવાની પ્રક્રિયા પણ ગેરરીતીનો એક પ્રકાર જ હોવાનું જાહેર કર્યું હતું. ગોલ્ડ લોનમાં બેંકો-કંપનીઓ નિશ્ચિત અવધી માટે લોન આપે છે અને સમયગાળો પૂર્ણ થયા બાદ એક જ ઝાટકે સંપૂર્ણ રકમ પરત મેળવે છે માસીક હપ્તા જેવી કોઈ સીસ્ટમ નથી. અન્ય એક વિકલ્પ લોનધારક પાસે સગવડ થાય ત્યારે તબકકાવાર નાણા પરત ચુકવવાનો વિકલ્પ આપવામાં આવતો હોય છે. આ વિકલ્પ હેઠળ લોનની કુલ મુદતમાં લોનધારક ગમે ત્યારે તબકકાવાર નાણાં પરત ચુકવી શકે છે. બેંકો તથા નોન-બેન્કીંગ ફાઈનાન્સ કંપનીઓનાં ગોલ્ડલોન પોર્ટફોલીયોમાં ટુંકાગાળામાં મોટો વધારો થતાં રિઝર્વ બેન્કનું ધ્યાન ખેંચાયું હતું. રેટીંગ એજન્સી ક્રિસીલનાં રીપોર્ટ મુજબ એપ્રિલથી ઓગસ્ટમાં સોનાના ભાવમાં મોટો વધારો છતાં સોનાના દાગીના સામે લોનમાં 37 ટકાની વૃધ્ધિ થઈ હતી.  ગોલ્ડ લોનનાં વ્યવસાયમાં જ સામેલ કંપનીઓમાં લોનનું પ્રમાણ ત્રિમાસીક ગાળામાં 11 ટકા વધ્યુ હતું. નિષ્ણાંતોનાં કહેવા પ્રમાણે ગોલ્ડ લોનનું વધતુ પ્રમાણ ચિંતાજનક છે. લોન ધારકની આવક સામે નાણા પરત કરવાની ક્ષમતા શંકાજનક છે. એટલુ જ નહિં સોનાના ભાવમાં નોંધપાત્ર ઘટાડો થાય તો જોખમ ઉભુ થઈ શકે ગીરવે રહેલા સોનાનું મુલ્ય ઘટી જાય એટલે રીપેમેન્ટમાં પડકાર સર્જાઈ શકે.આ સંજોગોમાં ગોલ્ડ લોન આપવામાં ખાસ કાળજી રાખવી પડે તેમ છે. ગોલ્ડ જવેલરી લોનમાં 51 ટકાનો ધરખમ વધારો30 સપ્ટેમ્બરની સ્થિતિએ બેંકોએ 1.4 લાખ કરોડની જવેલરી લોન આવી હતી. જે આગલા ત્રિમાસીક ગાળા કરતાં 51 ટકા વધુ હતી જયારે ગત વર્ષનાં સમયગાળા કરતાં 14.6 ટકાની વૃધ્ધિ સુચવતી હતી. Related News

તહેવારોની સીઝન દરમિયાન એમેઝોન-ફ્લિપકાર્ટ જેવા ઇ-કોમર્સ પ્લેટફોર્મ્સ દ્વારા શાનદાર ડિસ્કાઉન્ટ્સ અને ડીલ્સને કારણે મોટા ભાગના યૂઝર્સે ઑનલાઇન ખરીદી કરવાનું પસંદ કર્યું હતું. પૈસાબજાર દ્વારા તાજેતરમાં હાથ ધરવામાં આવેલા સરવે અનુસાર તહેવારો દરમિયાન ઑનલાઇન શોપિંગ ગ્રાહકોની પ્રથમ પસંદગી રહી હતી. સરવેમાં સામેલ કરાયેલા યૂઝર્સમાંથી 48% યૂઝર્સ જેમણે ક્રેડિટ કાર્ડનો ઉપયોગ કર્યો હતો તેમણે માત્ર ઇ-કોમર્સ પ્લેટફોર્મ્સ મારફતે જ ખરીદી કરી હતી. તે ઉપરાંત 45% યૂઝર્સે પણ મોટા પાયે ઑનલાઇન જ ખરીદી કરવાનું પસંદ કર્યું હતું, જો કે કેટલાક યૂઝર્સે ઑફલાઇન સ્ટોર્સમાંથી ખરીદી કરવાને પ્રાધાન્ય આપ્યું હતું. 85% યૂઝર્સે ઇકોમર્સ સેલ્સ દરમિયાન જ તહેવારોની શોપિંગ કરવાનું આયોજન કર્યુ હતું. તે ઉપરાંત યૂઝર્સે ક્રેડિટ કાર્ડ આધારિત ઓફર્સ અને અન્ય ડિસ્કાઉન્ટનો ઉપયોગ કરવા માટે પણ ઑનલાઇન શોપિંગને પ્રાથમિકતા આપી હતી. 80% યૂઝર્સને ઇ-કોમર્સ પ્લેટફોર્મ્સ પર તેના ક્રેડિટ કાર્ડ્સ પર રહેલી ઑફર્સ તેમજ ડિસ્કાઉન્ટને લીધે ફાયદો થયો હતો, જેની સામે ઑફલાઇન સ્ટોર્સમાંથી માત્ર 11% યૂઝર્સને તેના કાર્ડ્સથી ખરીદી કરવાનો ફાયદો થયો હતો. માત્ર 9% યૂઝર્સે કહ્યું હતું કે તેમને તહેવારોની સીઝન દરમિયાન ક્રેડિટ કાર્ડ્સ પર ઓફર્સ જોવા મળી ન હતી.

આવકવેરા વિભાગે કરદાતાઓને ચેતવણી આપી છે કે આઇટીઆરમાં વિદેશમાં સ્થિત સંપત્તિ અથવા વિદેશોમાં પ્રાપ્ત કરેલી આવકોનો ખુલાસો ન કરવા પર કાળા નાણાં વિરોધી કાયદા હેઠળ ૧૦ લાખ રૂપિયા સુધીનો દંડ થઇ શકે છે. વિભાગે તાજેતરમાં શરૂ કરેલા કમ્પાયલન્સ કમ અવેરનેસ અભિયાન હેઠળ એક પબ્લિક એડવાઇઝરી જારી કરી હતી જેથી એ સુનિશ્ચિત કરી શકાય કે કરદાતા આકારણી વર્ષ ૨૦૨૪-૨૫ માટે આવકવેરા રિટર્નમાં આવી માહિતી આપે. એડવાઇઝરીમાં સ્પષ્ટતા કરવામાં આવી છે કે ગયા વર્ષમાં ભારતના કર નિવાસી માટે વિદેશી પરિસંપત્તિમાં બેંક ખાતા, કેશ વેલ્યુ ઇન્સ્યુરન્સ કોન્ટ્રાક્ટ કે એન્યુઇટી કોન્ટ્રાક્ટ, કોઇ એકમ કે વ્યવસાયમાં નાણાકીય સંપત્તિ, સ્થિર સંપત્તિ, કસ્ટોડિયલ એકાઉન્ટ, ઇક્વિટી અને ડેબ્ટ વ્યાજ, ટ્રસ્ટ જેમાં વ્યકિત ટ્રસ્ટી છે, સેટલરનો લાભાર્થી, હસ્તાક્ષાર પ્રાધિકારીવાળા ખાતા, વિદેશમાં રાખવામાં આવેલી કેપિટલ એસેટ ધરાવતા લોકોને આઇટીઆરમાં આ અંગેની માહિતી આપવી પડશે.  વિભાગે જણાવ્યું છે કે આ માપદંડ હેઠળ આવતા કરદાતાઓએ પોતાના આઇટીઆરમાં ફોરેન એસેટ (એફએ) અથવા ફોરેન સોર્સ ઇન્કમ (એફએસઆઇ) શિડયુલને ફરજિયાતપણે ભરવાનું રહેશે. પછી ભલે તેમની આવક કર પાત્ર આવકથી  ઓછી હોય.

 મુંબઈ : પ્રોડકશન લિન્કડ ઈન્સેન્ટિવ (પીએલઆઈ) સ્કીમ ના ટેકા સાથે દેશમાંથી સ્માર્ટફોન્સ નિકાસનો આંક પહેલી જ વખત ઓકટોબરમાં બે અબજ ડોલરને પાર કરી ગયો છે. ઓકટોબરમાં સ્માર્ટફોનની નિકાસમાં વાર્ષિક ધોરણે ૭૦ ટકા વધારો થયો છે. આ અગાઉના વર્તમાન વર્ષના મે મહિનાના વિક્રમી આંક કરતા ઓકટોબરનો આંક ૨૩ ટકા વધુ છે.  સ્માર્ટફોન પીએલઆઈ સ્કીમને કારણે સરકારની તિજોરીને વેરા મારફતની આવકમાં જંગી લાભ થયો છે. ઓકટોબર ૨૦૨૩માં સ્માર્ટફોનનો નિકાસ આંક ૧.૨૦ અબજ ડોલર રહ્યો હતો. ઘરઆંગણે ઉપરાંત વૈશ્વિક બજારમાં ભારતના સ્માર્ટફોન્સની માગ વધી રહી હોવાનું આના પરથી સમજી શકાય એમ છે એમ ઈન્ડિયન સેલ્યુલર એન્ડ ઈલેકટ્રોનિકસ એસોસિએશનના સુત્રોએ જણાવ્યું હતું.  વર્તમાન નાણાં વર્ષના પ્રથમ સાત મહિનામાં નિકાસ આંક વાર્ષિક ધોરણે ૩૭ ટકા વધી ૧૦.૬૦ અબજ ડોલર રહ્યો હોવાનું પણ જણાવાયું હતું. ગયા નાણાં વર્ષના પ્રથમ સાત મહિનામાં કુલ ૭.૮૦ અબજ ડોલરના મૂલ્યના સ્માર્ટફોન્સની ભારત ખાતેથી નિકાસ થઈ હતી.ગયા સંપૂર્ણ નાણાં વર્ષમાં સ્માર્ટફોન્સનો એકંદર નિકાસ આંક ૧૫ અબજ ડોલર રહ્યો હતો. વર્તમાન નાણાં વર્ષના અંતે આ આંક ૧૯ અબજ ડોલર આસપાસ પહોંચવાની ધારણાં રાખવામાં આવી રહી છે.  સ્માર્ટફોન પીએલઈ સ્કીમ સરકાર માટે મોટી લાભદાઈ પૂરવાર થઈ છે. નાણાં વર્ષ ૨૦૨૧-૨૦૨૪ના ગાળામાં આ ઉદ્યોગે સરકારી તિજોરીને રૂપિયા ૧.૧૦ લાખ કરોડનો લાભ કરી આપ્યો છે અને એકંદરે રૂપિયા ૧૨.૫૫ લાખ કરોડનો માલ ઉત્પાદિત કર્યો છે. આ ચાર વર્ષમાં સરકારે સ્કીમ હેઠળ કુલ રૂપિયા ૫૮૦૦ કરોડ છૂટ કર્યા હોવાનું પ્રાપ્ત ડેટા જણાવે છે. 

મુંબઈીઃ વૈશ્વિક મોરચે અમેરિકામાં ડોનાલ્ડ ટ્રમ્પના વિજય બાદ થઈ રહેલા ડેવલપમેન્ટ અને બીજી તરફ જીઓપોલિટીકલ ટેન્શન ઘટવાની અપેક્ષા સામે ચાઈના સાથે અમેરિકાનું ટેરિફ યુદ્વ શરૂ થવાની ગણાઈ રહેલી ઘડીએ વૈશ્વિક બજારોમાં મોટી ઉથલપાથલ મચતી જોવાઈ છે. અગાઉ ચાઈનાના સ્ટીમ્યુલસ મેગા પેકેજના પરિણામે વિદેશી ફંડો, ફોરેન પોર્ટફોલિયો ઈન્વેસ્ટરોએ ભારતમાંથી ઉચાળા ભરીને ચાઈના તરફ વળી રહ્યાના સંકેતોએ ભારતીય શેર બજારોમાં સેન્સેક્સ, નિફટીમાં મોટા કડાકા સાથે સ્મોલ, મિડ કેપ શેરોમાં પડેલા મોટા ગાબડાંએ સંકટના એંધાણ આપી દીધા હતા. પરંતુ સપ્તાહના અંતે ટ્રમ્પની ચાઈના વિરોધી નીતિ અને ખાતાકીય ફાળવણીમાં કટ્ટરતા જોવા મળતાં ફરી એડવાન્ટેજ ઈન્ડિયા બનવાના વિદેશી બ્રોકિંગ હાઉસોએ સંકેત આપી પરિસ્થિતિને કાબૂ બહાર જતી અટકાવી છે.  હવે એફપીઆઈઝની એક્ઝિટ ઈન્ડિયા અટકવાની અને ફરી ભારતીય બજારોમાં વેલ્યુબાઈંગ શરૂ થવાની શકયતા ચર્ચાવા લાગી છે. અલબત બજારના નિષ્ણાંતો હજુ પોઝિટીવ ડેવલપમેન્ટ છતાં કોર્પોરેટ ઈન્ડિયાની કામગીરી-પરિણામો નબળા હોવાથી અને આ પરિણામોની સ્થિતિ સુધરતાં ૬થી ૯ મહિના લાગી જવાની શકયતા બતાવી રહ્યા હોઈ શેરોમાં આગામી સપ્તાહમાં તેજીના સંભવિત મોટા ફૂંફાળામાં લલચાઈ ન જવાય એની પણ સાવચેતી રાખવી જરૂરી છે. શેરોમાં મોટી ખરીદીને બદલે આકર્ષક વેલ્યુએશને મળતાં શેરોમાં ટૂકડે ટૂકડે રોકાણની પસંદગી કરવી. હજુ ઓવર વેલ્યુએશન ધરાવતા શેરોમાં ઉછાળે શેરો ઓફલોડ થવાની પૂરી શકયતા છે આગામી સપ્તાહમાં ૨૦, નવેમ્બર ૨૦૨૪ના બુધવારે મહારાષ્ટ્રમાં વિધાનસભા ચૂંટણી યોજાનારી હોવાથી બીએસઈ, એનએસઈ શેર બજારોમાં ટ્રેડીંગ બંધ રહેશે. જેથી ચાર ટ્રેડીંગ દિવસના આગામી સપ્તાહમાં નિફટી સ્પોટ ૨૩૨૨૨ની ટેકાની સપાટીએ ૨૩૭૭૭ ઉપર બંધ થવાના સંજોગોમાં ૨૪૧૧૧ અને સેન્સેક્સ ૭૬૬૬૬ની ટેકાની સપાટીએ ૭૮૩૩૩ ઉપર બંધ થવાના સંજોગોમાં ૭૯૧૧૧ જોવાઈ શકે છે.

મુંબઈ : નાણાં વર્ષ ૨૦૨૯-૩૦ સુધીમાં જનરેટિવ આર્ટિફિસિઅલ ઈન્ટેલિજન્સ (એઆઈ) ભારતના ગ્રોસ ડોમેસ્ટિક પ્રોડકટ (જીડીપી)માં ૩૫૯ અબજ ડોલરથી ૪૩૮ અબજ ડોલર વચ્ચેનો ઉમેરો કરી શકે છે, એમ રિઝર્વ બેન્ક ઓફ ઈન્ડિયા (આરબીઆઈ)ના ડેપ્યુટી ગવર્નર માઈકલ ડી પાત્રાએ જણાવ્યું હતું. ભારતની કંપનીઓ  દ્વારા ઉત્પાદન પ્રક્રિયામાં  એઆઈનો સ્વીકાર ૨૦૨૩માં આઠ ટકા હતો તે ૨૦૨૪માં  નોંધપાત્ર વધી ૨૫ ટકા પહોંચી ગયો છે.  ડિજિટલ પબ્લિક ઈન્ફ્રાસ્ટ્રકચર, વાયબ્રન્ટ ઈન્ફરમેશન ટેકનોલોજી તથા યુવાધન સાથે વિકાસના નવા માર્ગોને ખોલવા અને વર્તમાનનો મહત્તમ ઉપયોગ કરવા ભારત સજ્જ છે. જનરેટિવ એઆઈ ભારતના જીડીપીમાં નાણાં વર્ષ ૨૦૨૯-૩૦ સુધીમાં ૩૫૯ અબજ ડોલરથી ૪૩૮ અબજ ડોલર વચ્ચેનો ઉમેરો કરી શકે છે. દેશની કંપનીઓ દ્વારા ઉત્પાદન પ્રક્રિયામાં  એઆઈનો સ્વીકાર ૨૦૨૪માં વધી ૨૫ ટકા પહોંચી ગયો છે, જે ૨૦૨૩માં આઠ ટકા હતો  એમ પાત્રાએ જણાવ્યું હતું. જયપુર ખાતે એક પરિષદમાં તેઓ બોલી રહ્યા હતા. ભારતની બેન્કોના સર્વેમાં જણાયું છે કે, દરેક બેન્કોએ મોબાઈલ તથા ઈન્ટરનેટ બેન્કિંગનો અમલ કર્યો છે ત્યારે ૭૫ ટકા બેન્કો ઓનલાઈન એકાઉન્ટ ખોલવાની સુવિધા પૂરી પાડે છે. કેવાયસી પણ ડિજિટલ કરાઈ રહ્યા છે. આ ઉપરાંત ૬૦ ટકા બેન્કો ડિજિટલ ધિરાણ પૂરુ પાડે છે તથા ૪૧ ટકા ચેટબોટસનો ઉપયોગ કરે છે. ૧૦ ટકા બેન્કો સંકલિત ઈન્ટરનેટ ઓફ થિંગ્સ ટેકનોલોજી ધરાવે છે. ટેકનોલોજીના સ્વીકારમાં ખાનગી બેન્કો આગળ છે, એમ પણ પાત્રાએ જણાવ્યું હતું. જનરેટિવ એઆઈ આગામી ત્રણ વર્ષમાં વૈશ્વિક જીડીપીમાં ૭થી ૧૦ ટ્રિલિયન ડોલરનો ઉમેરો કરી શકે છે.