ATS અને DRIએ અંદાજે 95.5 કિલો સોનું અને 60 લાખથી વધુની રોકડ જપ્ત કરાતાં સનસનાટી મચી ગઈ
અમદાવાદના શેરબજારના નામચીન ઓપરેટર મહેન્દ્ર શાહ અને મેધ શાહે પાલડી વિસ્તારમાં આવેલા આવિષ્કાર એપાર્ટમેન્ટના ભાડે ફ્લેટ રાખ્યો હતો. જે બંધ ફલેટમાં આજે દરોડો પાડી છે. બંને એજન્સીએ પૂર્વ બાતમીના આધારે દરોડો પાડતાં આ મસમોટો મુદ્દામાલ મળ્યો છે.
. પ્રાથમિક માહિતી મુજબ, આ ફ્લેટ મેઘ શાહ અને મહેન્દ્ર શાહે ભાડે લીધોહતો. . તેઓ પિતા-પુત્રનો સંબંધ ધરાવે છે. આ તપાસમાં હજુ પણ વધારે મુદ્દામાલ ઝડપાય તેવી શક્યતા છે. દરોડાની કાર્યવાહી દરમિયાન ચલણી નોટો ગણવા બે મશીન અને સોનાનું વજન કરવા ઈલેક્ટ્રિક વજન કાંટા પણ મંગાવવામાં આવ્યા છે. સોનું અને રોકડ મળી અંદાજિત 84 કરોડ રૂપિયાનો મુદ્દામાલ મળ્યો છે. હાલ બંને એજન્સી દ્વારા વધુ તપાસ ચાલી રહી છે અને ફ્લેટ નીચે પોલીસ-બંદોબસ્ત પણ ગોઠવી દેવામાં આવ્યો છે. આ ફ્લેટની માલિકી કલોલની એક મહિલાની માલિકીનો હોવાનું ભાડે આપ્યો હોવાનું જાણવા મળ્યું છે.મળતી માહિતી પ્રમાણે, શેરબજાર ઓપરેટર મેઘ શાહ અને તેના સાગરિતો ખોખા કંપનીઓના શેરના ભાવમાં ઉછાળો લાવીને કરોડો રૂપિયા ઘર ભેગા કરતા હતા. આ લોકોએ કાળું નાણું સોનામાં ફેરવ્યું હોવાની માહિતી મળી હતી.
અમદાવાદના પાલડી વિસ્તારમાં આવેલા આવિષ્કાર એપાર્ટમેન્ટમાં એક બંધ ફ્લેટમાં લોકોની અવરજવર રહેતી હોવાની એજન્સીઓને બાતમી મળતાં અમદાવાદ ATS અને DRIની ટીમે 16 માર્ચની રાત્રિથી ફ્લેટ પર દરોડો પાડ્યો હતો. બંને એજન્સીને ફ્લેટ પરથી અંદાજિત 95.5 કિલો સોનું અને 60 લાખ રૂપિયાથી વધુની રોકડ રકમ મળી આવી છે. આવિષ્કાર એપાર્મેન્ટમાં આવેલો ફ્લેટ નંબર 104 કલોલની મહિલાની માલિકીનો છે. જે હાલ ભાડા પર હોવાનું સામે આવ્યું છે. પ્રાથમિક માહિતી મુજબ મહેન્દ્ર શાહ ઉર્ફે કાળિયાએ આ ફ્લેટ ભાડા પર રાખ્યો હતો. ફ્લેટમાં અજાણી વ્યકિત દરરોજ એક બેગ લઈને અવરજવર કરતી હોવાની વિગતો પણ સામે આવી છે.બંને એજન્સીને ફ્લેટમાંથી જે 95.5 કિલો સોનું મળ્યું છે તેની કિંમત અને અન્ય રોકડ રકમ મળી અંદાજિત 84 કરોડ રૂપિયાનો મુદ્દામાલ મળ્યો છે. હાલ ફ્લેટની નીચે પોલીસ-બંદોબસ્ત ગોઠવી દેવામાં આવ્યો છે. આ મામલે વધુ તપાસ હાથ ધરવામાં આવી રહી છે.