નવી દિલ્હી – મુખ્યત્વે શાકભાજી અને પ્રોટીનથી ભરપૂર ચીજવસ્તુઓના ભાવવધારાના દરમાં ઘટાડાને કારણે ફેબ્રુઆરીમાં રિટેલ ઇનફ્લેશન ઘટીને 3.61 ટકા થયું હતું, જે ભારતીય રિઝર્વ બેંક માટે આગામી મહિને વ્યાજ દરમાં બીજા ઘટાડાની જગ્યા બનાવે છે.
ગ્રાહક ભાવ સૂચકાંક આધારિત છૂટક ફુગાવો જાન્યુઆરીમાં 4.26 ટકા અને ફેબ્રુઆરી 2024માં 5.09 ટકા હતો. ફેબ્રુઆરી 2025 માટે વાર્ષિક ફુગાવાનો દર 3.75 ટકા હતો, જે નેશનલ સ્ટેટિસ્ટિકલ (એન.એસ.ઓ.) દ્વારા જાહેર કરવામાં આવેલા આંકડા દર્શાવે છે.
“જાન્યુઆરી 2025ની સરખામણીમાં ફેબ્રુઆરી 2025માં ખાદ્ય ફુગાવામાં 222 બેસિસ પોઇન્ટનો તીવ્ર ઘટાડો જોવા મળ્યો છે. ફેબ્રુઆરી 2025માં ખાદ્ય ફુગાવો મે 2023 પછી સૌથી ઓછો છે.” એમ રાષ્ટ્રીય સંસ્થાએ જણાવ્યુ હતું.
એન.એસ.ઓ.એ જણાવ્યું હતું કે ફેબ્રુઆરી દરમિયાન મુખ્ય ફુગાવો અને ખાદ્ય ફુગાવામાં નોંધપાત્ર ઘટાડો મુખ્યત્વે શાકભાજી, ઇંડા, માંસ અને માછલી, કઠોળ અને ઉત્પાદનો અને દૂધ અને ઉત્પાદનોના ફુગાવામાં ઘટાડાને આભારી છે.
છૂટક ફુગાવો 4 ટકા (+/- 2 ટકા) રહે તે સુનિશ્ચિત કરવા માટે રિઝર્વ બેન્કે ફુગાવાના મોરચે ચિંતા હળવી કરવા માટે ગયા મહિને ટૂંકા ગાળાના ધિરાણ દર (રેપો) માં 25 બેસિસ પોઇન્ટનો ઘટાડો કર્યો છે. મધ્યસ્થ બેંક 9 એપ્રિલે દ્વિમાસિક નાણાકીય નીતિના આગામી ચરણની જાહેરાત કરવાની છે.
