નવી દિલ્હી, (પીટીઆઇ): PNB હાઉસિંગ ફાઇનાન્સે મંગળવારે ડિસેમ્બર ક્વાર્ટરમાં ચોખ્ખો નફો 43 ટકા વધીને ₹483 કરોડ નોંધાવ્યો હતો.
પંજાબ નેશનલ બેંક જેની પ્રમોટર છે તે નોન-બેંકિંગ ફાઇનાન્સ કંપનીએ એક વર્ષ અગાઉ સમાન ત્રિમાસિક ગાળામાં રૂ.338 કરોડ ની કમાણી કરી હતી.
ચાલુ નાણાકીય વર્ષના ત્રીજા ત્રિમાસિકમાં કુલ આવક વધીને ₹1,943 કરોડ થઈ છે, જે અગાઉના વર્ષના સમાન ગાળામાં ₹1,756 કરોડ હતી, એમ PNB હાઉસિંગ ફાઇનાન્સે નિયમનકારી ફાઇલિંગમાં જણાવ્યું હતું.
આ ત્રિમાસિક ગાળામાં વ્યાજની આવક વધીને ₹1848 કરોડ થઈ છે, જે અગાઉના વર્ષના સમાન ગાળામાં ₹1,680 કરોડ હતી.
કુલ ખર્ચ સહેજ વધીને ₹1,327 કરોડ થયો છે, જે એક વર્ષ અગાઉ ₹1,316 કરોડ હતો.
31 ડિસેમ્બર, 2024 સુધીમાં કુલ NPA ઘટીને 1.19 ટકા થઈ ગઈ હતી, જે અગાઉના નાણાકીય વર્ષના ત્રીજા ત્રિમાસિક ગાળાના અંતે 1.73 ટકા હતી.
મોર્ટગેજ કંપનીએ સમીક્ષા હેઠળના ત્રિમાસિક ગાળામાં રિટેલ રાઇટ-ઓફ પૂલમાંથી રૂ. 53 કરોડની વસૂલાત કરી છે.
કેપિટલ એડેક્યુએસી રેશિયો ડિસેમ્બર 2023ના અંતમાં 29.53 ટકાથી ઘટીને 28.8 ટકા થયો હતો.
