નવી દિલ્હી : વિટામિન બી-12 એ એક આવશ્યક પોષક તત્વ છે જે શરીરમાં ઘણી ભૂમિકા ભજવે છે. તેને કોબાલામીન પણ કહેવામાં આવે છે. આ પાણીમાં દ્રાવ્ય વિટામિન છે, જેને લોકો એનર્જી વિટામિન પણ કહે છે. તે લાલ રક્ત કોશિકાઓ અને ડીએનએના નિર્માણમાં મદદરૂપ છે, આંતરડાનાં મ્યુકોસા અને ત્વચાનાં કોષોને સ્વસ્થ રાખે છે, ફોલેટના ચયાપચયમાં મદદ કરે છે, અને ચરબી, પ્રોટીન અને કાર્બોહાઇડ્રેટ્સના નિર્માણમાં પણ મદદરૂપ છે. તે સેરોટોનિન ઉત્પન્ન કરવામાં મદદ કરે છે, જેનાં કારણે તે એનર્જી વધારે છે અને મૂડ પણ સુધારે છે.
આ સિવાય વિટામિન બી-12 હૃદયનાં સ્વાસ્થ્યને પણ સુધારે છે. એકંદરે, શરીરમાં વિટામિન બી-12ની ઉણપને કારણે થાક, મોંમાં ચાંદા, ભૂલી જવા, મૂડ સ્વિંગ, ગભરાટ, નિષ્ક્રિયતા, કળતર, ત્વચા પીળી, વાળ પાતળાં થવા વગેરે જેવી ઘણી સમસ્યાઓ થઈ શકે છે.
આ લક્ષણોથી બચવા માટે આહારમાં વિટામિન બી-12નો પૂરતા પ્રમાણમાં સમાવેશ કરવો જરૂરી છે. તમામ ખાદ્યપદાર્થો પૈકી ડ્રાય ફ્રુટ્સ એક એવો વિકલ્પ છે જેને દરેક વેજીટેરીયન વ્યક્તિ ખાય શકે છે. તેથી, વિટામિન બી-12થી ભરપૂર ડ્રાય ફ્રુટ્સનું સેવન એક શ્રેષ્ઠ વિકલ્પ છે. ચાલો જાણીએ કે કયાં ડ્રાય ફ્રુટ્સ વિટામિન બી-12થી ભરપૂર હોય છે
ખજુર : ખજુરને ડ્રાય ફ્રુટ્સ કહેવામાં આવે છે જે ઇન્સ્ટન્ટ એનર્જી આપે છે, કારણ કે તેમાં વિટામિન બી-12, આયર્ન, પોટેશિયમ, વિટામિન સી, મેગ્નેશિયમ, કેલ્શિયમ, ફોસ્ફરસ પણ ભરપૂર માત્રામાં જોવા મળે છે. તેથી, તેને દિનચર્યામાં સામેલ કરવું આવશ્યક છે.
બદામ : વિટામિન-ઇથી ભરપૂર, બદામ વિટામિન બી-12 નો પણ સારો સ્ત્રોત છે. આ ખરાબ કોલેસ્ટ્રોલ ઘટાડે છે અને સારા કોલેસ્ટ્રોલની માત્રામાં વધારો કરે છે.
પિસ્તા : વિટામિન બી-6 સાથે વિટામિન બી-12થી ભરપૂર પિસ્તામાં હેલ્ધી ફેટ, ફાઈબર, પ્રોટીન, ઓમેગા 3 અને એન્ટી-ઓક્સિડન્ટ્સ હોય છે. આંખનાં સારા સ્વાસ્થ્ય માટે આ જરૂરી હોય છે. તેઓ સેરોટોનિન અને મેલાટોનિન જેવાં હોર્મોન્સના ઉત્પાદનમાં પણ મદદરૂપ છે, જે સારી ઊંઘ લેવામાં મદદ કરે જાય છે.
અખરોટ : અખરોટમાં વિટામિન બી-12 ભરપૂર માત્રામાં હોય છે, જે મગજનાં સ્વાસ્થ્ય માટે મહત્વપૂર્ણ છે. તેમાં ઓમેગા 3 પણ જોવા મળે છે. મગજનાં સ્વાસ્થ્યની સાથે, તે બ્લડ પ્રેશરને નિયંત્રિત કરે છે, કેન્સરનું જોખમ ઘટાડે છે, ખરાબ કોલેસ્ટ્રોલ ઘટાડે છે અને ત્વચાનાં સ્વાસ્થ્ય માટે ખૂબ ફાયદાકારક છે.
કાજુ : વિટામિન બી-12 ધરાવતાં કાજુ પેટમાં એસિડિટી અટકાવે છે. દૂધ સાથે તેનું સેવન કરવાથી બ્લડપ્રેશર પણ નિયંત્રણમાં રહે છે. આ હાર્ટ હેલ્થ માટે ખૂબ જ ફાયદાકારક છે.
