2024

આઠ હજાર કરોડના ખર્ચે ત્રણ મલ્ટીટ્રેકિંગ રેલવે પ્રોજેક્ટને મોદી કેબિનેટએ મંજૂરી આપી

stocktoday@admin / November 26, 2024

નવી દિલ્હી : કેન્દ્રીય કેબિનેટની બેઠકમાં આજે કેટલાક મહત્ત્વપૂર્ણ નિર્ણયો લેવામાં આવ્યા હતાં. આજે લેવામાં આવેલા નિર્ણયોમાં નેશનલ મિશન ઓન નેચરલ ફાર્મિંગ, પેપરલેસ પાન સિસ્ટમની રચના, રાષ્ટ્રવ્યાપી એકેડમિક સબસ્ક્રીપ્શન સ્કીમ, હાઇડ્રોઇલેક્ટ્રિક પ્લાન્ટ અને રેલવેનું વિસ્તરણ જેવા નિર્ણયો સામેલ છે.કનેક્ટિવિટી વધારવા માટે કેબિનેટે ૭૯૨૭ કરોડ રૂપિયાના ખર્ચે ત્રણ મલ્ટી ટ્રેકિંગ રેલવે પ્રોજેક્ટને મંજૂરી આપી છે. કેન્દ્ર સરકારે નેશનલ મિશન ઓન નેચરલ ફાર્મિંગ માટે ૨૪૮૧ કરોડ રૂપિયાની ફાળવણી કરવાનો નિર્ણય લીધો છે. કેમિકલ મુક્ત ખેતીના પ્રસાર માટે આ મિશનની રચના કરવામાં આવશે અને તે ખેતી તથા ખેડૂતોના કલ્યાણ મંત્રાલયને આધીન કાર્ય કરશે. સંશોધનને વેગ આપવા માટે અટલ ઇનોવેશન મિશન (એઆઇએમ) ૨.૦ શરૂ કરવાને મંજૂરી આપવામાં આવી છે. ૩૧ માર્ચ, ૨૦૨૮ સુધી અમલીકરણ કરવા માટે ૨૭૫૦ કરોડ રૂપિયા ફાળવવાનો નિર્ણય લેવામાં આવ્યો છે. કેબિનેટે પાન-૨ પેપરલેસ એન્ડ ઓનલાઇન સિસ્ટમને પણ મંજૂરી આપવામાં આવી છે. પરમેનન્ટ એકાઉન્ટ નંબર (પાન)ની પેપરલેસ પ્રોસેસ માટે આ ઓનલાઇન સિસ્ટમ શરૂ કરવામાં આવશે. કેબિનેટે શિક્ષણ જગત માટે વન નેશન વન સબસ્ક્રીપશન સ્કીમને પણ મંજૂરી આપી છે. આ સ્કીમ માટે ૬૦૦૦ કરોડ રૂપિયા ફાળવવાનો નિર્ણય લેવામાં આવ્યો છે. આ સ્કીમ હેઠળ વિદ્યાર્થીઓ સમગ્ર દેશના રિસર્ચ આર્ટીકલ અને જર્નલ વાંચી શકશે. વિદ્યાર્થીઓ અને સંશોધકો વિના મૂલ્યે આ સેવાનો લાભ લઇ શકશે. અરૂણાચલ પ્રદેશના શી યોમી જિલ્લામાં ૧૯૩૯ કરોડ રૂપિયાના ખર્ચે હાઇડ્રો ઇલેકટ્રિક પ્રોજેક્ટની રચનાને મંજૂરી આપવામાં આવી છે. રાજ્યમાં વીજ ઉત્પાદન વધારવા માટે આ પ્રોજેક્ટને મંજૂરી આપવામાં આવી છે.

Ahmedabad

ખ્યાતિ હોસ્પિટલ દ્વારા PMJAY યોજના અંતર્ગત 2024માં કુલ 1595 દર્દીની સારવાર કરી 9 કરોડના ક્લેઈમ મેળવ્યા

stocktoday@admin / November 26, 2024

ખ્યાતિ હોસ્પિટલ દ્વારા PMJAY યોજના અંતર્ગત કરેલી સારવાર અને ક્લેઈમની વાત કરીએ તો 2022માં 940 દર્દીઓની સારવાર સામે 4 કરોડ 4 લાખ 56 હજાર 345ની રકમના ક્લેઈમ કર્યા છે. 2023માં કુલ 2411 દર્દીની સારવાર કરી છે જેની સામે 13 કરોડ 44 લાખ 35 હજાર 682 રકમના ક્લેઈમ કર્યા છે. 2024માં કુલ 1595 દર્દીની સારવાર કરી છે જેની સામે 8 કરોડ 99 લાખ 60 હજાર 281ની રકમનો ક્લેઈમ કર્યા છે. ખ્યાતિ હોસ્પિટલે PMJAY યોજના અંતર્ગત એનરોલમેન્ટ બાદ 2021 થી 2024 દરમિયાન કુલ 4947 દર્દીઓની સારવાર કરી છે જેની સામે કુલ 26 કરોડ 48 લાખ 52 હજાર 308 રકમના ક્લેઈમ કર્યા છે. આ તમામ સારવારની પ્રતિ દર્દી દીઠ સરેરાશ રકમ ગણીએ તો ખ્યાતિ હોસ્પિટલ દ્વારા પેશન્ટ દીઠ સરેરાશ 53,548 રકમનો ક્લેઈમ કર્યો છે. છેલ્લા ત્રણ વર્ષ દરમિયાન ખ્યાતિ હોસ્પિટલ દ્વારા કરવામાં આવેલા ક્લેઈમમાં સૌથી મોટી રકમનો ક્લેઈમ 2024ના ઓક્ટોબર માસમાં તારીખ 1 અને તારીખ 28 ના રોજ કરવામાં આવ્યો છે. આ રકમ રૂપિયા 4 લાખ 53 હજાર 200 છે જ્યારે સૌથી ઓછી રકમના ક્લેઇમ વર્ષ 2023ના ડિસેમ્બર માસ ની 7 તારીખના રોજ કર્યો છે. આ ક્લેઈમ ની રકમ 2145 છે.

Ahmedabad

કાંટાળી કેડીને પુષ્પાચ્છાદિત બનાવવા માટે કર્મસંગ્રામ ખેલવો પડેઃપંન્યાસપ્રવર શ્રી પદ્મદર્શનવિજયજી મહારાજ

stocktoday@admin / November 25, 2024

શ્રી વિરમગામ શ્વે. મૂ. પૂ. જૈન સંઘના આરાધના ભવનમાં જૈનાચાર્ય પૂ. ચન્દ્રજિતસૂરિજી મહારાજ અને પૂ. પંન્યાસપ્રવર શ્રી પદ્મદર્શનવિજયજી મહારાજ આદિ ૯ શ્રમણ ભગવંતોની પાવન નિશ્રામાં ૨૫૯૩ મા વિશ્વ વંદનીય પ્રભુ મહાવીરદેવના દીક્ષા કલ્યાણકની ભવ્ય ઉજવણી થઈ હતી. પૂ. પંન્યાસપ્રવર પદ્મદર્શનવિજયજી મહારાજે આ પાવન પ્રસંગે જણાવ્યું હતું કે, સાધનાની કેડી કાંટાળી છે. કાંટાળી કેડીને પુષ્પાચ્છાદિત બનાવવા માટે કર્મસંગ્રામ ખેલવો પડે. પ્રભુ મહાવીરે સાડાબાર વર્ષ સુધી કર્મો સામે બહારવટું ખેલ્યું હતું. સાધનાના માર્ગમાં સફળ થવા સત્વ ફોરવવું જોઈએ. પ્રભુ મહાવીરદેવે જગત માત્રને સુખી કરવા માટે જાતને ઘસીને જગતનું કલ્યાણ કર્યું હતું. પ્રભુ મહાવીરદેવે રૂડા રાજમહેલના વૈભવી સુખોનો ત્યાગ કરી સાધનાનું જીવન સ્વીકાર્યું હતું. દુઃખોના દાવાનળમાં સેકાતા જીવો ઉપર પ્રભુની અપાર કરૂણા હતી. કરૂણા અને વૈરાગ્ય સાધનાના સમયમાં ટોચ કક્ષાએ જોવા મળે છે. જગતનાં જીવોની દુઃખમુકિત અને દોષમુક્તિ એ પ્રભુવીરનું લક્ષ્ય હતું. આ લક્ષ્યને હાંસલ કરવા માટે પ્રભુએ સાડા બાર વર્ષ સુધી હસતે મુખે કષ્ટોને સહન કર્યા હતા. સાધના- કાળ દરમ્યાન પ્રભુએ આ જગનને ત્રણ સંદેશ પાઠવ્યા હતા. સંક્ટોનો સામનો નહીં પણ સ્વીકાર કરજો. જગતને પમાડવા માટે સ્થૂલબળ નહીં પણ સુક્ષ્મબળ જોઈશે. અત્યારે લાઠી કરતાં પલાઠી ની વધારે જરૂર છે. સંકટોને આજનો માણસ કંટક સ્વરૂપે જુવે છે માટે જ દુઃખી થાય છે. આફતને જે અવસર બનાવે છે તે જ સાચા અર્થમાં મહાવીર છે. સાધનાના કાળમાં શત્રુને પણ મિત્ર બનાવવાની કળા પ્રભુ મહાવીરે સિદ્ધ કરી હતી. વાસ્તવમાં આપણા બાહ્ય શત્રુઓ કોઈ છે જ નહીં. આપણે જ માનસિક રીતે શત્રુઓ ઊભા કર્યા છે. આંતરરશત્રુઓ જ આપણા સાચા અર્થમાં શત્રુઓ છે. શત્રુઓને પણ મૈત્રી અને પ્રેમ દ્વારા વશ કરવાની સાધના પ્રભુવીરે કરી હતી.

Health

વધુ પડતી ઉંઘ કે ખુબ જ ઓછી ઉંઘ ડિમેન્શિયાનું કારણ ઉંઘનું મહત્વ આપણા માટે જરૂરી છે

stocktoday@admin / November 25, 2024

ચાર કલાકથી ઓછી ઉંઘ અને 9 કલાકથી વધુ ઉંઘ ખતરનાક : દિલ્હી એઇમ્સ નવી દિલ્હી : પૂરતી ઊંઘ ન મળવાથી વ્યક્તિની વિચાર, સમજણ અને તર્ક ક્ષમતા પર અસર થાય છે. 45 વર્ષથી વધુ વયનાં લોકો માટે, ચાર કલાકથી ઓછી ઊંઘ અને નવ કલાકથી વધુ ઊંઘ બંને તેમની વિચારવાની ક્ષમતાને નકારાત્મક અસર કરે છે. આવાં લોકોને ડિમેન્શિયા જેવી બીમારીઓનું જોખમ વધારે હોય છે. દેશનાં 29 રાજ્યો અને કેન્દ્રશાસિત પ્રદેશોમાં 14 હજાર લોકો પર કરવામાં આવેલાં અભ્યાસમાં આ માહિતી સામે આવી છે. આ અભ્યાસ દિલ્હી એઈમ્સ, પીજીઆઇ ચંડીગઢ અને જેઆઇપીએમઈઆર પોંડિચેરી જેવી પ્રખ્યાત તબીબી સંસ્થાઓનાં ડોકટરો દ્વારા કરવામાં આવ્યો છે. ચાર કલાકથી ઓછી ઊંઘથી સૌથી વધુ લોકો અસરગ્રસ્ત ડોકટરોએ અભ્યાસમાં પુરુષો અને સ્ત્રીઓને તેમની ઊંઘ અને જાગવાના સમય વિશે પૂછ્યું હતું. આ પછી, છ વૈજ્ઞાનિક સ્કેલ પર તેમની બુદ્ધિ અને સમજણનું પરીક્ષણ કરવામાં આવ્યું હતું, જેમાં જાણવા મળ્યું હતું કે જે લોકો ચાર કલાકથી ઓછી ઊંઘ લે છે તેની બુદ્ધિ, વિચાર અને તર્ક ક્ષમતા ઓછી છે. નવ કલાકથી વધુ ઊંઘનારાઓ પર પણ તેની નકારાત્મક અસર જોવા મળી હતી. ઉંઘ આપણને આ રીતે અસર કરે છેસૂતી વખતે કોષો પોતાની જાતને રિપેર કરે છે. આ સમય દરમિયાન આપણું મગજ વસ્તુઓને શોર્ટ ટર્મ મેમરીમાંથી લોંગ ટર્મ મેમરીમાં ટ્રાન્સફર કરે છે. આ કારણોસર, આપણાં મગજનાં કાર્ય માટે પૂરતી ઊંઘ જરૂરી છે. ઊંઘ દરમિયાન, જ્યારે આપણું શરીર આરામ કરે છે, ત્યારે મગજ દિવસની માહિતીની પ્રક્રિયા કરવામાં અને યાદોને રચવામાં વ્યસ્ત હોય છે. પૂરી ઉંઘ જરૂરીપૂરતી ઉંઘ ન મળવાથી ધ્યાનનો અભાવ, નબળી યાદશક્તિ, ધીમી પ્રતિક્રિયા સમય, પ્રશ્નો ઉકેલવામાં મુશ્કેલી જેવી ઘણી સમસ્યાઓ થઈ શકે છે. આ બાબતો ધ્યાનમાં રાખો► મોડી રાત્રે ખાંડ, કેફીન, આલ્કોહોલ લેવાનું ટાળો. ► બેડરૂમમાં ટીવી, કોમ્પ્યુટર, મોબાઈલ, લેપટોપ જેવાં ઉપકરણો ન રાખો. ► અંધારા ઓરડામાં જ સૂવાનું રાખો, જાગવા માટે એલાર્મ ઘડિયાળનો ઉપયોગ કરો. ► દરરોજ એક જ સમયે સૂવાનો અને જાગવાનો પ્રયાસ કરો. ► બાળકોને દરરોજ 14-16 કલાક ઉંઘ જરૂરી ► શિશુઓને દરરોજ 12-16 કલાક નિંદરની જરૂર હોય છે ► નાના બાળકોને દરરોજ 11-14 કલાક નિંદરની જરૂર હોય છે ► પ્રિસ્કુલર્સ બાળકોને દરરોજ 10-13 કલાક નિંદરની જરૂર હોય છે ► શાળાએ જતાં બાળકોને 9-12 કલાક નિંદરની જરૂર હોય છે ► કિશોરોને 8-10 કલાક નિંદરની જરૂર હોય છે સર્વેનાં ડેટા મુજબ 45 વર્ષથી વધુ ઉંમરનાં લોકો કેટલી કલાક ઊંઘે છે ♦ ચાર કલાકથી ઓછી 7.4 ટકા ♦ પાંચ કલાક 2.72 ટકા ♦ છ કલાક 11.28 ટકા ♦ સાત કલાક 6.87 ટકા ♦ આઠ કલાક 11.07 ટકા ♦ નવ કલાકથી વધુ 60.66 ટકા

Health

અખરોટમાં રહેલા ઓમેગા – 3, હિમોગ્લોબીન, વિટામીન અને મિનરલ્સ અનેક રોગો માટે ફાયદાકારક

stocktoday@admin / November 25, 2024

અખરોટ એ સ્વાસ્થ્યવર્ધક ડ્રાયફ્રૂટ છે એમ કહેવું એ ખોટું નથી. અખરોટમાં તંદુરસ્ત ચરબી, ફાઇબર, વિટામિન્સ અને ઘણા ઘણાં ખનિજો હોય છે. હકીકતમાં, છેલ્લાં 50 વર્ષથી એક અખરોટમાં વૈજ્ઞાનિકોને ઘણો રસ છે. વૈજ્ઞાનિકો અને નિષ્ણાતો કહે છે કે તે મગજ જેવું લાગે છે કારણ કે તે મગજ માટે સારું છે. તમે તેમને ઇન્સ્યુલેટેડ ફૂડ ક્ધટેનરમાં સ્ટોર કરી શકો છો અને બરણીને તમારાં ડેસ્ક પર અથવા તમારાં પલંગની નજીક રાખી શકો છો જેથી તે સમયાંતરે તેને ખાઇ શકો અને અનન્ય સ્વાસ્થ્ય લાભો મેળવી શકો છો. અહીં દરરોજ અખરોટ ખાવાનાં કેટલાક કારણો છે. ઓમેગા-3નો સુપર સ્ત્રોતઅખરોટમાં અન્ય કોઈપણ ડ્રાયફ્રૂટ કરતાં ઓમેગા-3નું પ્રમાણ ઘણું વધારે હોય છે, જે દરેક 28 ગ્રામ અખરોટમાં 2.5 ગ્રામ ઓમેગા-3 પ્રદાન કરે છે. અખરોટમાં ઓમેગા-3 આલ્ફા-લિનોલેનિક એસિડ હોય છે. તે એક આવશ્યક તત્વ છે, જેનાં માટે તમારે તેને તમારાં આહારમાં સામેલ કરવાની જરૂર છે. ઇન્સ્ટિટ્યૂટ ઑફ મેડિસિન અનુસાર, ઓમેગા-3નું પૂરતું સેવન કરવાથી હૃદય રોગથી મૃત્યુ થવાનું જોખમ 10 ટકા ઓછું થઈ જાય છે. એન્ટીઑકિસડન્ટથી ભરપૂરઅખરોટમાં અન્ય કોઈપણ ડ્રાયફ્રૂટ કરતાં વધુ એન્ટીઓક્સીડેન્ટ વધુ હોય છે. અખરોટમાં મેલાટોનિન, વિટામિન ઇ અને પોલીફેનોલ્સ તરીકે ઓળખાતાં તત્વો હોય છે. તંદુરસ્ત પુખ્ત વયનાં લોકોમાં એક પ્રારંભિક અભ્યાસ દર્શાવે છે કે અખરોટથી ભરપૂર ભોજન લેવાથી “ખરાબ” એલડીએલ કોલેસ્ટ્રોલના ઓક્સિડેટીવ નુકસાનને અટકાવી શકાય છે અને અખરોટથી એચડીએલ સારા કોલેસ્ટ્રોલમાં વધારો થાય છે. ઈનફ્લામેશન ઘટાડી શકેઈનફ્લામેશન એ બહુવિધ રોગોનું મૂળ કારણ છે, જેમાં હૃદય રોગ, ટાઈપ 2 ડાયાબિટીસ, કેન્સર અને અલ્ઝાઈમર જેવાં રોગનો સમાવેશ થાય છે અને તે ઓક્સિડેટીવ તણાવને કારણે થઈ શકે છે. અખરોટમાં રહેલાં પોલિફીનોલ્સ આ ઓક્સિડેટીવ તણાવ અને ઈનફ્લામેશન સામે લડવામાં મદદ કરે છે. એલાગિટાનીન નામનાં પોલિફીનોલ્સનું જૂથ ખાસ મદદ કરે છે. જે તમારાં આંતરડામાં રહેલાં ફાયદાકારક બેક્ટેરિયા એલાગિટાનિન્સને યુરોલિથિન્સ નામનાં સંયોજનોમાં રૂપાંતરિત કરે છે, જે ઈનફ્લામેશન સામે પણ રક્ષણ આપી શકે છે. એએલએ મેગ્નેશિયમ, ઓમેગા-3 ફેટ અને અખરોટમાં રહેલું એમિનો એસિડ આર્જિનિન પણ ઈનફ્લામેશન ઘટાડી શકે છે. કેન્સરનું જોખમ ઘટાડી શકેપ્રાણીઓ અને લોકો પરનો અભ્યાસ સૂચવે છે કે અખરોટ ખાવાથી સ્તન, પ્રોસ્ટેટ અને કોલોરેક્ટલ કેન્સર જેવાં ચોક્કસ પ્રકારનાં કેન્સરનું જોખમ ઘટી શકે છે. યુરોલિથિન્સની ઈનફ્લામેશન વિરોધી પ્રવૃત્તિઓ અન્ય પ્રકારનાં કેન્સર સામે રક્ષણ કરવામાં પણ મદદ કરી શકે છે. યુરોલિથિન્સમાં હોર્મોન જેવાં ગુણધર્મો હોય છે જે હોર્મોન-સંબંધિત કેન્સર, ખાસ કરીને સ્તન અને પ્રોસ્ટેટ કેન્સરનું જોખમ ઘટાડવામાં મદદ કરી શકે છે. પેટ અને આંતરડાને સ્વસ્થ રાખે છેઅધ્યયનોએ સૂચવ્યું છે કે જો તમારાં આંતરડા સારા બેક્ટેરિયા અને અન્ય સૂક્ષ્મજીવાણુઓથી સમૃદ્ધ છે, તો તમારુ આરોગ્ય એકંદર સારું રહેવાની શક્યતા વધુ છે. તેનાથી વિપરીત, તમારાં માઇક્રોબાયોટા જો બિનઆરોગ્યપ્રદ હશે તો તે સ્થૂળતા, કેન્સર અને હૃદય રોગનું જોખમ વધારે છે. તમે જે ખાઓ છો તે તમારા માઇક્રોબાયોટાને નોંધપાત્ર રીતે પ્રભાવિત કરી શકે છે. અખરોટ ખાવું એ તમારાં માઇક્રોબાયોટા અને તમારા આંતરડાના સ્વાસ્થ્ય માટે શ્રેષ્ઠ છે. વજન નિયંત્રણ કરે છેઅખરોટમાં કેલરી હોય છે, પરંતુ અભ્યાસોએ સૂચવ્યું છે કે તેમાંથી શોષાયેલી ઊર્જા તેમનાં પોષક તત્વોના આધારે અપેક્ષિત કરતાં 21 ટકા ઓછી છે. અખરોટ ખાવાથી તમારી ભૂખને નિયંત્રિત કરવામાં પણ મદદ મળી શકે છે. લાંબા ગાળાનાં અભ્યાસ પરથી વૈજ્ઞાનિકોએ જણાવ્યું છે કે અખરોટ ભૂખ અને વજનને નિયંત્રિત કરવામાં મદદ કરી શકે છે અને તમારી રોગપ્રતિકારકશક્તિને પણ વધારે છે. બ્લડ પ્રેશર ઘટાડે છેહાઈ બ્લડ પ્રેશર એ સ્ટ્રોક અને હ્રદય રોગ માટે નોંધપાત્ર જોખમી પરિબળ છે. કેટલાક અભ્યાસો સૂચવે છે કે અખરોટ ખાવાથી હાઈ બ્લડ પ્રેશર ઓછું કરવામાં મદદ મળી શકે છે. અખરોટ બ્લડ પ્રેશરમાં થોડો સુધારો કરી શકે છે. આ નોંધપાત્ર છે, કારણ કે બ્લડ પ્રેશરમાં નાનો તફાવત તમારાં હૃદય રોગનાં જોખમને મોટી અસર કરી શકે છે. ડાયાબિટીસ ઘટાડવામાં મદદ કરી શકેનિરીક્ષણ અભ્યાસોએ સૂચવ્યું છે કે અખરોટ ટાઇપ 2 ડાયાબિટીસને ઓછું કરી શકે છે કારણ કે તે વજનને નિયંત્રિત કરવામાં મદદ કરે છે. વધારે વજન તમારાં હાઈ બ્લડ શુગર અને ડાયાબિટીસની શક્યતાને વધારે છે. અખરોટ ખાવાથી બ્લડ સુગરને નિયંત્રિત કરવામાં મદદ મળે છે જે વજન નિયંત્રણ પરનાં પ્રભાવની બહાર હોય છે. અખરોટમાં હિમોગ્લોબિન પણ વધુ હોય છે જે લોહીમાં સુગરને ઘટાડવામાં મદદ કરે છે. વૃદ્ધત્વને સપોર્ટ કરે છેજેમ જેમ તમારી ઉંમર વધતી જાય છે તેમ તેમ તમારી હિલચાલ અને સારી શારીરિક કામગીરી જરૂરી છે. એક વસ્તુ જે તમારી શારીરિક ક્ષમતાઓને જાળવી રાખવામાં મદદ કરી શકે છે તે છે સ્વસ્થ આહાર. અખરોટ એ એવાં ખોરાકમાંનો એક છે જે તંદુરસ્ત આહારમાં સૌથી મહત્વપૂર્ણ યોગદાન આપે છે. કેલરીમાં વધુ હોવા છતાં, અખરોટ આવશ્યક વિટામિન્સ, ખનિજો, ફાઇબર, ચરબીથી ભરપૂર હોય છે જે તમારા માટે એક ટોનિક તરીકે કામ કરશે. મગજનાં સ્વાસ્થ્ય માટે જરૂરીસંશોધન સૂચવે છે કે આ અખરોટ ખરેખર તમારાં મગજ માટે સારું હોઈ શકે છે. તે શીખવાની કુશળતા, યાદશક્તિમાં સુધારો કરી શકે છે અને ચિંતા ઘટાડી શકે છે. વૃદ્ધ વયસ્કોમાં અવલોકનાત્મક અભ્યાસોએ અખરોટ ખાવાને મગજનાં કાર્યમાં સુધારો કરવા સાથે જોડ્યો છે, જેમાં ઝડપી પ્રક્રિયાની ગતિ, માનસિક સુગમતા અને યાદશક્તિનો સમાવેશ થાય છે. નિયમિત ધોરણે અખરોટનું સેવન કરવાથી ડિમેન્શિયાનું જોખમ પણ ઘટી જાય છે.

Health

હાઈ બ્લડ પ્રેશરનાં દર્દીઓને ગંભીર સ્ટ્રોકનું જોખમ વધારે

stocktoday@admin / November 25, 2024

નવી દિલ્હી : જો કોઈને હાઈ બ્લડ પ્રેશર હોય અથવા હ્રદયનાં ધબકારા અનિયમિત હોય કે ધૂમ્રપાનની આદત હોય તો તમને ગંભીર સ્ટ્રોકનું જોખમ વધારે હોઈ શકે છે.તાજેતરમાં ન્યુરોલોજી જર્નલમાં પ્રકાશિત થયેલાં એક અભ્યાસમાં સૂચવવામાં આવ્યું કે અન્ય રોગ ધરાવતાં લોકો, ઉદાહરણ તરીકે ડાયાબિટીસ, શારીરિક નિષ્ક્રિયતા, તણાવ અને દારૂનું સેવન કરનારાઓમાં પણ સ્ટ્રોકનું જોખમ રહેલું છે. સ્ટ્રોક ત્યારે થાય છે જ્યારે મગજનાં કોઈ ભાગમાં લોહી નથી પહોચતું અથવા મગજને લોહી ઓછું મળે છે તેને ઈસ્કેમિક સ્ટ્રોક કહેવામાં આવે છે બીજા સ્ટ્રોકમાં મગજમાં નશ ફાટી જાય છે અને લોહીનો ભરાવો થઈ જાય છે જેને હેમરેજિક સ્ટ્રોક કહેવામાં આવે છે. સ્ટ્રોકથી ખાવામાં અને ગળવામાં મુશ્કેલી પડે છે, શરીરનાં અમુક ભાગ લકવાગ્રસ્ત થઈ જાય છે, યાદશક્તિમાં ઘટાડો થાય છે અમુક કિસ્સામાં લોકો દ્રષ્ટિ પણ ગુમાવે છે ન્યુરોલોજીકલ અભ્યાસ કહે છે કે સ્ટ્રોક નિવારણમાં હાયપરટેન્શન નિયંત્રણ કરવું ખુબ જ જરૂરી છે. અભ્યાસમાં જાણવા મળ્યું છે કે ઓછી અને મધ્યમ આવક ધરાવતાં દેશોમાં નાની ઉંમરે જ હાયપરટેન્શન અને સ્ટ્રોકના દરમાં ઝડપથી વધારો થયો છે. વર્લ્ડ સ્ટ્રોક ઓર્ગેનાઈઝેશન મુજબ, સતત હાઈ બ્લડ પ્રેશરથી હૃદય, ધમનીઓ અને રુધિરવાહિનીઓનું કામને વધી જાય છે આ વધારાનું કામ નુકસાનનું કારણ બને છે જે તમારાં મગજ સહિતની તમારી રક્તવાહિનીઓને સમય જતાં સખત અને સાંકડી બનાવી શકે છે. તેને એથરોસ્ક્લેરોસિસ તરીકે ઓળખાય છે. આ પ્રક્રિયા તમારાં મગજની રક્તવાહિનીઓમાં બ્લોકેજનું જોખમ વધારે છે. જો મગજનાં રક્ત પુરવઠામાં ઘટાડો થાય છે તો તે મગજને કાયમી નુકસાન પણ કરી શકે છે. જો એથરોસ્ક્લેરોસિસથી મગજમાં રક્તવાહિનીઓનું દબાણ વધે છે તો તે ફૂલે છે અને ફાટી જાય છે જેનાથી રક્તસ્રાવ થાય છે જેને હેમોરહેજિક સ્ટ્રોક કહેવામાં આવે છે જે મગજને કાયમી નુકસાન અથવા મૃત્યુનું કારણ પણ બની શકે છે. વસંત કુંજના ન્યુરોલોજી વિભાગનાં વડા ડો. કામેશ્વર પ્રસાદે જણાવ્યું હતું કે ડાયાબિટીસ જેવાં અન્ય પરિબળોની સરખામણીમાં હાઈ બીપી અને ધૂમ્રપાન ગંભીર સ્ટ્રોકનું કારણ બની શકે છે કારણ કે તે ડાયાબિટીસની તુલનામાં હાઈ બ્લડ પ્રેશર મોટી અને મધ્યમ કદની ધમનીઓને અસર કરે છે. જે નાની ધમનીઓ પર વધુ ગંભીર અસર કરે છે. તેમણે કહ્યું હતું કે “લોકોએ ગંભીર સ્ટ્રોકથી બચવા માટે બે વર્ષમાં એકવાર અને 40 વર્ષની ઉંમર પછી વર્ષમાં એક વખત બીપી તપાસવું જોઈએ. ડો. પ્રસાદ, જેઓ અગાઉ એઈમ્સમાં હતા. તેમણે જીવનશૈલી, આનુવંશિક ફેરફારો અને સ્ટ્રોક તેમજ ડિમેન્શિયા પાછળનાં અન્ય પરિબળોની ભૂમિકાને ઓળખવા માટે વૈશ્વિક અભ્યાસનાં ભાગરૂપે દિલ્હીમાં એક સર્વે કર્યો હતો. તે દર્શાવે છે કે 50 વર્ષથી વધુ ઉંમરનાં લગભગ 70 ટકા લોકોને હાઈ બીપી છે અને 20 ટકા લોકોને ધૂમ્રપાનને કારણે હાઈ બીપી થયું હતું. એઈમ્સના ભૂતપૂર્વ પ્રોફેસરે કહ્યું કે, ગંઠાઈને ઓગળવા માટે દવાઓનો સમયસર ઉપયોગ ઘણાં દર્દીઓને બચાવી શકે છે. તેમણે કહ્યું કે “કેટલાક દર્દીઓને લોહીનાં ગંઠાવાને દૂર કરવાની સર્જરીથી પણ ફાયદો થઈ શકે છે

Ahmedabad

બોપલ-આંબલી રોડ નશેડી નબીરાનો આતંક, વાહનોને અડફેટે લીધા બાદ સિગારેટના કશ ખેંચ્યા

stocktoday@admin / November 25, 2024

અમદાવાદમાં બેફામ કાર ચાલકો આતંક વધી ગયો છે. હાઇવે પર ચાલતા અને રાહદારી હવે અસુરક્ષિત અનુભવી રહ્યા છે. વૈભવી કાર લઇને રસ્તે નિકળી પડેલા નબીરાઓનો આતંક એટલી હદે વધી ગયો છે કે હવે ધોળે દિવસે બિન્દાસ અકસ્માતો સર્જીને ભયનો માહોલ સર્જી રહ્યા છે. લોકો હજુ તથ્ય પટેલ અને વિસ્મય શાહની ઘટનાને ભૂલ્યા નથી ત્યાં તો ફરી એકવાર આંબલી-બોપલ રોડ પર વધુ એક નબીરાએ પાંચી થી સાત જેટલા વાહનો અડફેટે લઇ રીતસરનો આતંક મચાવ્યો હોવાના સમાચાર સામે આવ્યા છે. આજે વહેલી અમદાવાદના બોપલ-આંબલી રોડ પર વૈભવી ઓડી કારચાલકે નશાની હાલતમાં પૂરપાટ ઝડપે બેફામ કાર હંકારી પાંચથી સાત જેટલા વાહનો અડફેટે લીધા હતા. કાર ચાલક નશાની હાલતમાં હોવાનું લાગી રહ્યું હતું. ધડાધડ એક પછી એક વાહનોને અડફેટે લીધા ઓડી કાર રેલીંગ સાથે ટકરાતા રોકાઇ ગઇ હતી. ત્યારબાદ લોકોનું ટોળું એકઠું થઇ જતાં કાર ચાલકને મેથીપાક ચખાડ્યો હતો. ઘટનાની જાણ થતાં પોલીસની ટીમ દોડી આવી હતી. બેફામ કાર હંકાવનાર નબીરાનું નામ રીપલ પંચાલ છે. ઘટનાસ્થળે હાજર લોકોએ જણાવ્યું હતું કે તે નશાની હાલતમાં હતો અને અકસ્માત સર્જયા બાદ તેણે ગાડીમાં બેસીને સિગરેટ પીધી હતી એટલું જ નહી લોકોએ તેને કારમાંથી બહાર કાઢ્યો તો તે સ્પ્રે છાંટતો હતો. કારથી સ્પીડ 100થી વધુ હતી અને તેણે લગભગ 5 થી સાત વાહનો ટક્કર મારી હતી. જોકે સદનસીબે કોઇ જાનહાનિ સર્જાઇ ન હતી. અકસ્માત બાદ રીપલ પંચાલને પોલીસ લઇ ગઇ છે અને કાયદેસરની કાર્યવાહી હાથ ધરવામાં આવી છે. અકસ્માત સર્જનાર નબીરો રિપલ પંચાલ દારૂ પીવાની ટેવ ધરાવતો હોવાનું અને બે મહિના પહેલા પણ અમદાવાદ શહેરમાં તેની સામે ડ્રીક એન્ડ ડ્રાઈવનો કેસ થઈ ચૂક્યો હોવાનું સામે આવ્યું છે. ઉલ્લેખનીય છે કે, 24 નવેમ્બરના રોજ એસ.જી. હાઈ-વેના હાઈકોર્ટ ઓવરબ્રિજ પર સાઇક્લિંગ કરી રહેલા બે ડૉક્ટરોને અજાણ્યા કારચાલકે પૂરપાટ ઝડપે આવીને ટક્કર મારી હતી. જોકે, કારચાલક ટક્કર મારીને નાસી ગયો હતો. આરોપી પોતાની ઓડી કાર લઈને ઈસ્કોન બ્રિજથી આંબલી તરફ જઈ રહ્યો હતો ત્યારે સૌ પ્રથમ તેને રસ્તામાં હેરિયર કારને ટક્કર મારી હતી. ત્યારબાદ આગળ જઈ રહેલા ટેમ્પોને ટક્કર મારતા ટેમ્પો અન્ય એક કાર સાથે અથડાયો હતો. તેનાથી આગળ ઓડી કારના ચાલકે ટાટા મોટર્સના શો રૂમ પાસે એક નેક્સન કારને ટક્કર મારી ડિવાઈડર સાથે ટકરાતા કાર ઊભી રહી ગઈ હતી. ચિક્કાર નશો કરી ટ્રાફિકથી ધમધમતા આંબલી-બોપલ માર્ગ પર અકસ્માત સર્જનાર કારના ચાલકનું નામ રિપલ પંચાલ હોવાનું સામે આવ્યું છે. જે થલતેજ વિસ્તારમાં રહે છે. કારનો ચાલક એટલો બધો નશામાં હતો કે, ચારથી પાંચ વાહનોને અડફેટે લીધા બાદ પણ કારમાં જ બેસીને સિગારેટના દમ મારતો રહ્યો હતો. અકસ્માતની પોલીસને જાણ થતાં અંતે પોલીસ કારના ચાલકને લઈ ગઈ હતી. નશો કરી અકસ્માત સર્જનાર રિપલ પંચાલ વાલ્વ બનાવતી કંપનીનો માલિક છે. ગાંધીનગરના સાંતેજ વિસ્તારમાં સેનકો વાલ્વ પ્રા. લિમિટેડ નામની કંપની ધરાવે છે.નશાની હાલતમાં ઓડી કાર પૂરઝડપે ચલાવી અકસ્માત સર્જનાર રિપલ પંચાલને દારૂની લત છોડાવવા માટે બે વખત રિહેબ સેન્ટરમાં લઈ જવાયો હતો તેમ છતાં તેની લત છૂટી ન હોવાનું જાણવા મળ્યું છે. રિપલના પિતાના અવસાન બાદ તે તેના માતા સાથે રહે છે. નશો કરેલી હાલતમાં ઓડી કાર ચલાવી એક બાદ એક ચાર પાંચ વાહનોને અડફેટે લેનાર રિપલ પંચાલને પોલીસે ઝડપી કાયદેસરની કાર્યવાહી હાથ ધરી છે. ત્યારે પોલીસ સ્ટેશનમાં જ જ્યારે રિપલને એક્સિડન્ટ અંગે પૂછવામાં આવ્યું તો તેમણે થોથવાતા સ્વરે કહ્યું હતું કે, મેં ક્યાં એક્સિડન્ટ કર્યું છે?, મેં કોઈ વાહનને ટક્કર મારી નથી. મેં કોઈ નશો કર્યો નથી. મેં દારૂ પીધો જ નથી. ઘટના અંગે કહ્યું હતું કે, મને દુખ છે પણ જે હશે તે મારો વકીલ જવાબ આપશે. જ્યારે તેને પૂછવામાં આવ્યું કે અકસ્માતમાં કોઈનો જીવ ગયો હતો તો?, તેના જવાબમાં રિપલે નફ્ફટાઈથી કહ્યું હતું કે, ક્યાં કંઈ થયું?

india

મુઠ્ઠીભર લોકો ધાંધલ – ધમાલ કરીને સંસદને કન્ટ્રોલ કરવા માંગે છે: મોદી

stocktoday@admin / November 25, 2024

નવી દિલ્હીઃવડાપ્રધાન નરેન્દ્ર મોદીએ સંસદના શિયાળુ સત્રના પ્રારંભ પૂર્વે પત્રકારો સાથેની વાતચીતમાં આવતીકાલે સંસદના સંવિધાનની 75મી વર્ષગાંઠની ઉજવણી બન્ને સદનોમાં કરવામાં આવશે તેવી જાહેરાત કરવાની સાથોસાથ વિપક્ષોને પણ આડે હાથે લેતા કહ્યું કે જેને જનતાએ વારંવાર ફગાવ્યા છે અને નકાર્યા છે તેઓ દેશના લોકતંત્રનું અનાદર કરીને સંસદ ચાલવા દેતા નથી. શ્રી મોદીએ કહ્યું કે, મુઠ્ઠીભર લોકો સંસદને કન્ટ્રોલ કરવાની વારંવાર કોશિષ કરે છે. સંસદમાં સ્વસ્થ અને વધુને વધુ ચર્ચા થાય યુવા અને નવા સાંસદોને પણ ચર્ચામાં ભાગ લેવાની તક મળે તે માટે સૌએ પ્રયાસ કરવા જોઇએ પરંતુ કમનશીબે કેટલાક લોકો પોતાના રાજકીય સ્વાર્થ માટે સંસદમાં ધાંધલ-ધમાલ મચાવીને સંસદને કન્ટ્રોલ કરવાનો પ્રયાસ કરી રહ્યા છે. તેઓ પોતાના હેતુમાં સંસદને રોકવામાં સફળ થશે નહીં. દેશની જનતા તેનો વ્યવહાર જોઇ રહી છે. સૌથી વધુ પીડા એ થાય છે કે નવા સાંસદો, નવા વિચાર અને નવી ઉર્જા સાથે આવે છે પરંતુ તેમના અધિકારને કેટલાક લોકો દબાવી દે છે. શ્રી મોદીએ કહ્યું કે એક બે વાર નહીં 80 વાર તેમને જનતાએ નકાર્યા છે તેમ છતાં તેઓ સંસદમાં ચર્ચા થવા દેતા નથી. લોકતંત્રની ભાવનાનું સન્માન કરતા નથી શ્રી મોદીએ કહ્યું કે 2024ના લોકસભા ચૂંટણીના પરિણામો બાદ હાલના પરિણામોએ લોકતંત્રને વધુ તાકાત આપી છે અને આપણી તેની ભાવનાનું સન્માન કરવું જોઇએ.

india

શિયાળુ સત્રના પ્રારંભે જ,અદાણી મુદ્દે સંસદના બન્ને ગૃહોમાં ધમાલ : મુલત્વી

stocktoday@admin / November 25, 2024

મહારાષ્ટ્ર ચૂંટણીમાં ભવ્ય વિજય સાથે આજથી શરુ થયેલા સંસદના શિયાળા સત્રના પ્રથમ દિવસે જ અદાણી મુદ્દો છવાઇ ગયો હતો અને લોકસભા તથા રાજ્યસભામાં વિપક્ષોએ અદાણી ઉપરાંત વકફ સંશોધન ખરડા મુદ્દે ચર્ચાની માંગણી સાથે જબરી ધાંધલ-ધમાલ મચાવતા લોકસભા અને રાજ્યસભા મુલત્વી રાખવાની ફરજ પડી હતી. -છેલ્લા બે દિવસથી ગાજી રહેલા અદાણી મુદાની અસર સંસદના શિયાળુ સત્રમાં દેખાશે તે નિશ્ચિત હતી અને વિપક્ષોએ લોકસભામાં આ મુદ્ે સભા મોકુફી દરખાસ્ત પણ રજુ કરી હતી પરંતુ અધ્યક્ષે તેના પર વિચારણા અંગે કોઇ સંકેત આપે તે પૂર્વે જ વિપક્ષોએ અદાણી ગ્રુપ દ્વારા ભારતમાં સોલાર વિજળી વેચવા મુદે જે લાંચ આપ્યાનો આક્ષેપ છે તેને આગળ ધરીને સંસદમાં ચર્ચાની માંગણી કરી હતી. જો કે સરકાર તેમાં કોઇ રીતે સહમત થવા તૈયાર ન હોવાનો સંકેત આપી દીધો હતો. લોકસભામાં અધ્યક્ષ ઓમ બિરલાએ સત્રના બે સમયગાળા વચ્ચે દિવંગત થયેલા સાંસદોને અન્ય મહાનુભાવોને શ્રધ્ધાંજલિ આપતો પ્રસ્તાવ રજુ કર્યો હતો. બાદમાં વિપક્ષોએ અદાણી મુદ્દે હંગામો શરુ કરી દેતા ગૃહ મુલત્વી રાખ્યું હતું. રાજ્યસભામાં પણ વિપક્ષના નેતા મલ્લીકાર્જુન ખડગેએ અદાણી મુદ્દે ચર્ચાની માંગણી કરી હતી પરંતુ સભાપતિ જગદીપ ધનખડએ નિયમનો હવાલો આપીને ચર્ચાની માંગણી ફગાવી દીધી હતી અને વિપક્ષોએ ધમાલ ચાલુ રાખતા ગૃહ આજના દિવસે મુલત્વી રાખવામાં આવ્યું હતું. હવે અદાણી મુદ્દે સંસદના શિયાળુ સત્રમાં પણ કામકાજ થશે કે કેમ તે પ્રશ્ન છે.

india

અંદામાનના દરિયામાંથી 6000 કિલો ડ્રગ્સ ઝડપાયું મ્યાનમારના 6 ખલાસીઓની ધરપકડ

stocktoday@admin / November 25, 2024

દેશમાં માદક દ્રવ્યો ઘુસાડવામાં સતત થઇ રહેલા પ્રયાસમાં એક તરફ ગુજરાતમાં અત્યાર સુધીમાં 3500 કિલોથી વધુ માદક દ્રવ્યો ઝડપી લેવાયો છે તે વચ્ચે ભારતીય કોસ્ટગાર્ડે એક ઓપરેશનમાં અંદામાનના દરિયામાંથી 6000 કિલો ડ્રગ્સ સાથે એક ફિશીંગ બોટને ઝડપી લીધી હતી. દેશમાં કોઇ એક સ્થળે એક જ સમયે સૌથી વધુ ડ્રગ્સનો ઝડપાયો હોય તેવી આ સંભવિત પ્રથમ ઘટના છે. બે-બે કિલોના પેકમાં ડ્રગ્સ ફીશીંગ બોટમાં રખાયું હતું અને આ પ્રકારે 3000 પેકેટ ઝડપી લેવાયા હતા. કોસ્ટગાર્ડે ચપળતાપૂર્વક પાર પાડેલા આ ઓપરેશનમાં મ્યાનમારના 6 લોકોને પણ ઝડપી લીધા છે. આ ડ્રગ્સની કિંમત આંતરરાષ્ટ્રીય બજાર મુજબ કરોડોની થવા જાય છે. ગત તા.23ના રોજ કોસ્ટગાર્ડના એરક્રાફટ દ્વારા પેટ્રોલીંગ સમયે બારન ટાપુ નજીક એક બોટની શંકાસ્પદ હિલચાલ જોઇ હતી. આ ટાપુ પોર્ટબ્લેરથી 150 કિ.મી. દૂર છે. આ ફીશીંગ બોટને તૂર્ત જ રડારમાં લેવામાં આવી હતી અને તેનો સંપર્ક કરીને તેની ગતિ ઘટાડવા અને કિનારાભણી પહોંચવા આદેશ આપ્યો હતો. જો કે આ ફીશીંગ બોટે ઝડપ વધારીને નાસી જવાની કૌશિષ કરતાં અગાઉથી એલર્ટ કોસ્ટગાર્ડના જવાનોએ તેને આંતરી હતી અને તેમાં તલાસી લેતા ડ્રગ્સના પેકેટ મળી આવ્યા હતા. આ ડ્રગ્સ હાલમાં ગુજરાતમાં ઝડપાયેલ મેથાડોન પ્રકારનું હોવાનું બહાર આવ્યું છે અને તેનો ઉપયોગ ડ્રગ્સ બનાવવામાં થાય છે. આમ ગુજરાત અને આંદામાન-નીકોબારમાં એક જ પ્રકારનું ડ્રગ્સ ઝડપાયું છે તે પણ જોગાનજોગ ગણી શકાય નહીં હવે આ તમામ છ લોકોની પૂછપરછમાં વધુ માહિતી બહાર આવશે.

Copyright © 2024 StockToday | All Rights Reserved