2024

દિલ્હી   :   સિંગાપોરથી દિલ્હી આવી રહેલાં પ્લેનમાં ત્યારે હંગામો મચી ગયો જ્યારે પાર્કિંગ-વે પર પાર્ક કરેલું પ્લેન ધીમે-ધીમે પાછળ જવા લાગ્યું. આ જોઈને પાઈલટને અચાનક ખ્યાલ આવ્યો કે તે બ્રેક લગાવવાનું ભૂલી ગયો છે. આ પછી સિંગાપોર એરલાઈન્સના પાઈલટે તરત જ બ્રેક લગાવી દીધી હતી. ત્યારબાદ તરત જ એર ટ્રાફિક કંટ્રોલ અને ગ્રાઉન્ડ સ્ટાફને મામલાની જાણ કરવામાં આવી હતી.આ ઘટના આઇજીઆઇ એરપોર્ટના ટર્મિનલ-3 પર બની હતી. આ પ્લેનમાં સવાર તમામ મુસાફરો સુરક્ષિત છે. એરક્રાફ્ટમાં તૈનાત એક ક્રૂ મેમ્બરને તેની જાંઘ પર સામાન્ય ઈજા થઈ છે, જેની સારવાર કરવામાં આવી છે અને તેને ફરજ પર પરત જવા દેવામાં આવ્યો છે.સિંગાપોર એરલાઇન્સનું એરબસ એ380 એરક્રાફ્ટ સોમવારે સિંગાપોરથી દિલ્હી આઇજીઆઇ એરપોર્ટ પર પહોંચ્યું હતું. પાયલોટે પેસેન્જર્સ સાથે પ્લેન પાર્કિંગ વે પર પાર્ક કર્યું હતું. આ દરમિયાન પાયલોટે મોટી ભૂલ કરી કે તે પ્લેન પાર્ક કર્યા બાદ બ્રેક લગાવવાનું ભૂલી ગયો હતો.એવું કહેવામાં આવ્યું હતું કે પાર્કિંગ વે પર ઢાળના કારણે જ્યારે પ્લેન ધીમે ધીમે પાછળની તરફ જવા લાગ્યું ત્યારે મુસાફરો અને પાયલટને આની જાણ થતાં પાયલટે તરત જ પાર્કિંગ બ્રેક લગાવી દીધી હતી. આ અંગે એર ટ્રાફિક કંટ્રોલ અને ગ્રાઉન્ડ સ્ટાફને પણ જાણ કરી હતી. આ પછી પાઇલટ અને મુસાફરો બંનેએ રાહતનો શ્વાસ લીધો હતો. એરક્રાફ્ટ સ્થિર થયાં પછી, પાઇલોટ્સે વિમાનને સલામત રીતે પાર્કિંગ માર્ગ પર પાછું ખસેડ્યું હતું. આ પછી મુસાફરોને સુરક્ષિત નીચે ઉતારવામાં આવ્યાં હતાં.સદનસીબે પ્લેનની આજુબાજુ કોઈ વાહન કે અન્ય એરક્રાફ્ટ પાર્ક કરવામાં આવ્યું ન હતું, અન્યથા મોટી દુર્ઘટના થઈ શકી હોત. સિંગાપોર એરલાઈન્સે આ ઘટના પર મુસાફરોને પડેલી અસુવિધા માટે માફી માંગી છે.

નવી દિલ્હીઃભારતીય અબજોપતિ ગૌતમ અદાણી અને તેમની કંપની પર લાગેલા આરોપોને અદાણી ગ્રીન એનર્જી દ્વારા ફગાવી દેવામાં આવ્યા છે અને આ લાંચના આરોપો સાથે જોડાયેલા અહેવાલોને પાયાવિહોણા અને ખોટા ગણાવ્યા છે. આ મામલામાં હવે દેશના સૌથી મોટા વકીલોમાંથી એક અને પૂર્વ એટર્ની જનરલ મુકુલ રોહતગીએ આજે બુધવારે પ્રેસ કોન્ફરન્સ કરી હતી અને કહ્યું કે, અમેરિકન તપાસમાં ગૌતમ અદાણીને ચાર્જશીટમાં આરોપી બનાવવામાં આવ્યા નથી. આ ઉપરાંત વરિષ્ઠ વકીલ મહેશ જેઠમલાણીએ પણ પોતાનો અભિપ્રાય આપ્યો હતો. આ મામલા અંગે પૂર્વ એટર્ની જનરલ અને વરિષ્ઠ વકીલ મુકુલ રોહતગીએ પ્રેસ કોન્ફરન્સ કરી અને કહ્યું કે, હું અદાણી ગ્રુપનો પ્રવક્તા તરીકે નથી બોલી રહ્યો, પરંતુ આ સમગ્ર આરોપમાં 5 આરોપો અથવા કલમો સામેલ છે, જેમાંથી કલમ 1 અને 5 સૌથી મહત્વપૂર્ણ છે અને બંનેમાં, ગૌતમ અદાણી અને તેમના ભત્રીજા સાગર અદાણી પર આરોપ મૂકવામાં આવ્યો નથી. મુકુલ રોહતગીએ વધુમાં કહ્યું કે, ગૌતમ અદાણી કે સાગર અદાણી બંને પર FCPA હેઠળ આરોપ મૂકવામાં આવ્યો નથી, જે ભારતના ભ્રષ્ટાચાર નિવારણ કાયદા સમાન છે. કલમ 5 હેઠળ લગાવવામાં આવેલા આરોપોમાં આ બેના નામ નથી પરંતુ કેટલાક વિદેશી વ્યક્તિઓના નામ સામેલ છે. વરિષ્ઠ વકીલ મુકુલ રોહતગીના જણાવ્યા અનુસાર, ચાર્જશીટમાં સ્પષ્ટપણે જણાવવું પડે છે કે વ્યક્તિએ આવું કૃત્ય કર્યું છે. જે રીતે આરોપ લગાવવામાં આવ્યા છે કે અદાણી તરફથી ભારતીય સંસ્થાઓને લાંચ આપવામાં આવી છે, પરંતુ ચાર્જશીટમાં એક પણ નામ જોવા મળ્યું રહ્યું નથી અને ન તો એ જોવા મળી રહ્યું છે કે કેવી રીતે તેમને લાંચ આપવામાં આવી, તે કયા વિભાગ સાથે સંબંધિત છે. મુકુલ રોહતગીએ કહ્યું કે, મને ખાતરી છે કે ગૌતમ અદાણી અને તેમની કંપની આ અંગે અમેરિકન વકીલો પાસેથી કાયદાકીય સલાહ લેશે. કાઉન્ટ 1 અને 5 અન્ય કેટલીક સંસ્થાઓના નામ પણ આપે છે. આ ઉપરાંત, ગૌતમ અદાણી પર લાંચના આરોપ મુદ્દે વરિષ્ઠ વકીલ મહેશ જેઠમલાણીએ પોતાનો અભિપ્રાય વ્યક્ત કર્યો અને કહ્યું કે, ચાર્જશીટમાં ભારતમાં કોઈ પણ લાંચની વાત કરવામાં આવી નથી. આરોપ માત્ર એટલો જ છે કે લાંચ આપવાનું કાવતરું ઘડવામાં આવ્યું હતું. ભારતમાં કાયદાના ઉલ્લંઘનના કોઈ પુરાવા રજૂ કરવામાં આવ્યા નથી. જેઠમલાણીએ વધુમાં કહ્યું કે, ગૌતમ અદાણી કે અદાણી ગ્રીન્સ સામે ચાર્જશીટમાં કોઈ આરોપ મૂકવામાં આવ્યો નથી. આ સમગ્ર મામલો અદાણી ગ્રીન એનર્જી દ્વારા બોન્ડ જારી કરવા સાથે સંબંધિત છે. કથિત રીતે ઉલ્લંઘન એ છે કે આ બોન્ડ ધારકોને જાણ કર્યા વિના જારી કરવામાં આવ્યા હતા અને આ ભારતમાં નિયમોનું ઉલ્લંઘન હોવાનું કહેવાય છે. આ ઉપરાંત, મામલો એ છે કે, તમે ભારતમાં લોકોને આ બોન્ડ્સ સબસ્ક્રાઇબ કરવા માટે પ્રેરિત કર્યા. પરંતુ કોંગ્રેસ કે અન્ય કોઈએ ભારતીય કાયદાના ઉલ્લંઘન અંગે કોઈ પુરાવા આપ્યા નથી. વરિષ્ઠ વકીલ મહેશ જેઠમલાણીએ કહ્યું કે, માત્ર આરોપ છે કે લાંચ આપવાનો ઈરાદો હતો. કથિત કાવતરા અંગે કોઈ પુરાવા નથી કે ષડયંત્ર કેમ ઘડવામાં આવ્યું? આ આરોપ અંગેનો ન્યાયિક આદેશ છે અને મને ખબર નથી કે કોર્ટે કયા પુરાવાના આધારે કાર્યવાહી કરી છે. કોંગ્રેસની તપાસની માંગ પર તેમણે કહ્યું કે, જ્યાં સુધી વિપક્ષ ગૌતમ અદાણી વિરુદ્ધ નક્કર પુરાવા લાવે નહીં ત્યાં સુધી તપાસ કે JPC  ન થવી જોઈએ. કાં તો તેઓ સાબિતી લાવે અથવા ઘોંઘાટ કરવાનું બંધ કરે. તથ્યો વિના તેમની ટીકા કરવી અયોગ્ય છે.

 નવી દિલ્હી : યુનિસેફે ’સ્ટેટ ઓફ ધ વર્લ્ડ ચિલ્ડ્રન 2024’ રિપોર્ટ બહાર પાડ્યો છે. આ રિપોર્ટમાં કહેવામાં આવ્યું છે કે 2050 સુધીમાં દુનિયામાં મોટાં ફેરફારો થવાનાં છે, જેની અસર બાળકોનાં જીવન પર પડશે. હવે બાળકો પહેલાં કરતા લાંબુ જીવે છે. 5 વર્ષની ઉંમર સુધી બાળકોનાં જીવિત રહેવાની સંભાવના 99.5 ટકા છે. વિશ્વની વસ્તી ઝડપથી બદલાઈ રહી છે. આગામી 25 વર્ષોમાં, 2050 સુધીમાં, વિશ્વમાં લગભગ 2.3 અબજ બાળકો હશે. યુનાઈટેડ નેશન્સ ઈન્ટરનેશનલ ચિલ્ડ્રન્સ ઈમરજન્સી ફંડ (યુનિસેફ)ના અહેવાલમાં જણાવાયું છે કે 2050 સુધીમાં ભારતમાં 35 કરોડ બાળકો સાથે સૌથી વધુ બાળકોની વસ્તી હશે. જો કે, વિશ્વનાં દરેક ભાગમાં બાળકોની સંખ્યા ઘટશે. ભારતમાં બાળકોની સંખ્યામાં પણ 106 મિલિયનનો ઘટાડો થશે, પરંતુ હજુ પણ વિશ્વનાં 15 ટકા બાળકો ભારતમાં હશે. ભારત, ચીન, નાઈજીરીયા અને પાકિસ્તાન મળીને 2050 સુધીમાં વિશ્વની એક તૃતીયાંશ બાળકોની વસ્તી હશે.  ભારતમાં બાળકોની સંખ્યા વધશે એટલું જ નહીં, જળવાયુ સંકટનું જોખમ પણ વધશે. આના કારણે બાળકોને સૌથી વધુ નુકસાન થશે, કારણ કે હવામાન પરિવર્તનની સીધી અસર તેમનાં સ્વાસ્થ્ય, વિકાસ અને ભવિષ્ય પર પડી શકે છે. વિશ્ર્વમાં ક્યાં બાળકોની વસ્તી ઘટશે ?દક્ષિણ એશિયા, પૂર્વ આફ્રિકા, દક્ષિણ આફ્રિકા, પશ્ચિમ આફ્રિકા અને મધ્ય આફ્રિકામાં બાળકોની સંખ્યા વધી શકે છે. બીજી તરફ આફ્રિકામાં બાળકોની સંખ્યામાં ઘટાડો થશે. 2000 નાં દાયકામાં, આફ્રિકામાં બાળકોની સંખ્યા 50 ટકા હતી, પરંતુ 2050માં તે ઘટીને 40 ટકાથી ઓછી થઈ જશે.  તે જ સમયે, પૂર્વ એશિયા, પશ્ચિમ યુરોપ અને ઉત્તર અમેરિકામાં બાળકોની સંખ્યામાં નોંધપાત્ર ઘટાડો થશે. 2000 ના દાયકામાં, આ સ્થળોએ બાળકોની સંખ્યા 19 ટકા થી વધુ હતી, પરંતુ તે 19 ટકાથી ઓછી થઈ જશે. 2050 સુધીમાં બાળકો માટે વિશ્ર્વ કેવું હશે ?યુનિસેફનાં ’ચિલ્ડ્રન્સ ક્લાઈમેટ રિસ્ક ઈન્ડેક્સ’ અનુસાર, વિશ્વનાં 163 દેશોમાં ભારત 26માં નંબરે છે. આ રેન્કિંગ દર્શાવે છે કે ભારતમાં બાળકો અતિશય ગરમી, પૂર, દુષ્કાળ અને વાયુ પ્રદૂષણ જેવાં વધુ જોખમોનો સામનો કરી રહ્યાં છે. અહેવાલમાં જણાવાયું છે કે વિશ્વનાં અડધાથી વધુ બાળકો એટલે કે લગભગ 1 અબજ એવાં દેશોમાં રહે છે જ્યાં આબોહવા પરિવર્તન અને પર્યાવરણ ખૂબ જોખમમાં છે. પૃથ્વીનું વાતાવરણ બદલાઈ રહ્યું છે, પ્રાણીઓ અદ્રશ્ય થઈ રહ્યાં છે અને પ્રદૂષણ વધી રહ્યું છે. આ બધાને કારણે બાળકો માટે દુનિયા પહેલાં કરતાં વધુ ખતરનાક બની રહી છે. જ્યારે યુનિસેફનાંં સ્ટેટ ઓફ ધ વર્લ્ડ ચિલ્ડ્રન 2024 ના રિપોર્ટમાં જણાવવામાં આવ્યું છે કે 2050 સુધીમાં વિશ્વમાં મોટાં ફેરફારો થવાનાં છે, જેમ કે વસ્તી પરિવર્તન, હવામાન પરિવર્તન અને નવી ટેકનોલોજીનો વિકાસ આ ફેરફારો બાળકોનાં જીવનને ખૂબ અસર કરશે. યુનિસેફનાં ભારતનાં વડા સિન્થિયા મેકકેફ્રેએ જણાવ્યું હતું કે, ભારત સરકારે લોકોનાં જીવનધોરણને સુધારવા માટે ઘણી સારી બાબતો કરી છે, જેમ કે મિશન લાઇફ, જલ જીવન મિશન, સ્વચ્છ ભારત મિશન. યુનિસેફ છેલ્લાં 75 વર્ષથી ભારત સરકાર સાથે કામ કરી રહ્યું છે. ભારતે બાળકોનાં અધિકારો માટે આંતરરાષ્ટ્રીય કરાર પર પણ હસ્તાક્ષર કર્યા હતાં. ભારત સાચી દિશામાં આગળ વધી રહ્યું છે.  બાળકોનાં જીવન પર અસર સકારાત્મક અસરરિપોર્ટ અનુસાર બાળકો હવે પહેલાં કરતાં લાંબુ જીવી રહ્યાં છે. વિશ્વભરમાં નવજાત શિશુઓનો જીવિત રહેવાનો દર 98 ટકા થી વધુ છે. 5 વર્ષની ઉંમર સુધી બાળકોનાં જીવિત રહેવાની સંભાવના 99.5 ટકા છે. સરેરાશ, 2000 ના દાયકામાં જન્મેલી છોકરીઓ 70 વર્ષ જીવતી હતી, હવે તેઓ 81 વર્ષ જીવે છે. છોકરાઓ સરેરાશ 66 વર્ષ જીવતાં હતાં, હવે તેઓ 76 વર્ષ જીવે છે.  નકારાત્મક અસરભારતમાં બાળકોની સંખ્યા ઘણી વધારે છે અને ભવિષ્યમાં પણ તેમાં વધારો થતો રહેશે. વિશ્વનાં 23 ટકા બાળકો એવાં દેશોમાં રહે છે જ્યાં ગરીબી ખૂબ વધારે છે. આ દેશો વિશ્વનાં 28 સૌથી ગરીબ દેશોમાં સામેલ છે. વર્ષ 2000ની સરખામણીએ આ દેશોમાં ગરીબ બાળકોની સંખ્યા બમણીથી પણ વધુ થઈ છે.  આવનારાં સમયમાં બાળકોને વધુ ભારે હવામાનની ઘટનાઓનો સામનો કરવો પડી શકે છે. તેમાં 820 મિલિયન બાળકો હિટવેવનો સામનો કરશે, 400 મિલિયન બાળકો વાવાઝોડાનો, 330 મિલિયન બાળકો પુરનો, 240 મિલિયન બાળકો સુનામી 920 મિલિયન બાળકો પીવાના પાણીની અછતનો, 600 મિલિયન બાળકો બીમારીઓનો, 2 બિલિયન બાળકો વાયુ પ્રદુષણનો, 815 મિલિયન બાળકો દુષિત હવા પાણી જમીન પ્રદુષણનો સામનો કરશે. આ ઉપરાંત પહેલાં કરતાં 2050 માં 8 ગણી વધુ ગરમી, 3.1 ગણું વધુ પૂર, 1.7 ગણી વધુ આગ, 1.3 ગણો વધુ દુષ્કાળ અને 1.2 ગણા વધુ તોફાનોનો આવી શકે છે.  બાળકો પર યુદ્ધ અને શહેરીકરણની અસરભવિષ્યમાં, યુદ્ધથી પ્રભાવિત બાળકોની સંખ્યામાં ઘટાડો થઈ શકે છે. 2000 ના દાયકામાં 833 મિલિયનથી વધુ બાળકો યુદ્ધ પ્રભાવિત વિસ્તારોમાં રહેતાં હતાં, પરંતુ 2050 સુધીમાં આ સંખ્યા ઘટીને 622 મિલિયન થવાની ધારણા છે. આ સારી બાબત છે, પરંતુ આ આંકડો હજુ પણ ઘણો ઊંચો છે. બીજી તરફ, 2050 સુધીમાં વિશ્વનાં લગભગ 60 ટકા બાળકો શહેરોમાં રહે છે. 2000 ના દાયકામાં આ સંખ્યા 44 ટકા હતી. છોકરીઓ પર શું અસર થશે2050 સુધીમાં, લગભગ 4 કરોડ છોકરીઓ બાળ લગ્ન અને હવામાન પરિવર્તનના બેવડા સંકટનો સામનો કરશે. વિશ્વમાં 2 ટકા કરતાં ઓછી રાષ્ટ્રીય આબોહવા યોજનાઓ છોકરીઓની જરૂરિયાતો અને ભાગીદારીને ધ્યાનમાં લે છે. દર વર્ષે, અંદાજે 9 મિલિયન છોકરીઓ આબોહવા સંબંધિત આપત્તિઓ અને બાળ લગ્નનાં ગંભીર જોખમોનો સામનો કરે છે. સમગ્ર વિશ્વમાં છોકરીઓ અને છોકરાઓ વચ્ચેનાં શિક્ષણમાં અંતર ઘટી રહ્યું છે. ઘણી જગ્યાએ હવે વધુ છોકરીઓ શાળાએ જઈ રહી છે. આખી દુનિયામાં છોકરાઓ અને છોકરીઓ વચ્ચેનું અંતર ઘટી રહ્યું છે. પરંતુ પૂર્વ અને દક્ષિણ આફ્રિકા અને પશ્ચિમ અને મધ્ય આફ્રિકાનાં ઘણાં દેશોમાં હજુ પણ છોકરાઓ અને છોકરીઓ વચ્ચે ઘણું અંતર છે. અફઘાનિસ્તાન અને ઈરાન જેવાં દેશોમાં છોકરીઓ પરનાં પ્રતિબંધોને કારણે 2050 સુધીમાં છોકરાઓ અને છોકરીઓ વચ્ચેનું અંતર ઘણું વધવાની ધારણા છે.  બાળકોનાં ભવિષ્ય પર ટેક્નોલોજીની શું અસર પડે છે ? આર્ટિફિશિયલ ઇન્ટેલિજન્સ , ન્યુરોટેક્નોલોજી, નેક્સ્ટ જનરેશન રિન્યુએબલ એનર્જી અને એમઆરએનએ રસીઓ જેવી નવી ટેક્નોલોજીઓ બાળકોનાં ભવિષ્યને સુધારી શકે છે. પરંતુ, વિશ્વનાં સમૃદ્ધ દેશોમાં, 95 ટકા થી વધુ લોકો ઇન્ટરનેટ સાથે જોડાયેલાં છે, જ્યારે ગરીબ દેશોમાં માત્ર 26 ટકા લોકો ઇન્ટરનેટનો ઉપયોગ કરી શકે છે.  મતલબ કે ટેક્નોલોજીનો ફાયદો દરેક બાળક સુધી પહોંચતો નથી. જે બાળકો ટેકનોલોજી સાથે જોડાઈ શકતાં નથી તેઓ શિક્ષણ અને આરોગ્ય સેવાઓમાં પાછળ રહી શકે છે. ગરીબ દેશોમાં તકનીકી અસમાનતા બાળકોનાં વિકાસમાં મોટો અવરોધ બની શકે છે. ઓછી આવક ધરાવતાં દેશોમાં ઈન્ટરનેટ અને ટેકનોલોજીને સસ્તું અને સુલભ બનાવવાની જરૂર છે. બાળકોનાં ભવિષ્યને સુરક્ષિત કરવા શું કરી શકાય ?રિપોર્ટ અનુસાર, બાળકોનાં ભવિષ્યને સુરક્ષિત કરવા માટે, આરોગ્ય સેવાઓ પર ધ્યાન કેન્દ્રિત કરવું સૌથી મહત્વપૂર્ણ છે. તે સુનિશ્ચિત કરવું પડશે કે માતા, નવજાત શિશુ, બાળકો અને કિશોરોને વધુ સારી આરોગ્ય સુવિધાઓ મળી શકે. બાળકો માટે સુરક્ષિત સ્થળો અને સુવિધાઓથી ભરપૂર ઈન્ફ્રાસ્ટ્રક્ચર બનાવવું પડશે. શહેરો એવી રીતે બનાવવા પડશે કે જ્યાં બાળકો સુરક્ષિત રીતે રહી શકે, રમી શકે અને શીખી શકે. વિકલાંગ બાળકો પર વિશેષ ધ્યાન આપવું

નવી દિલ્હીઃશાકભાજીની વધતી મોંઘવારી દરમ્યાન હવે લોટ,મેંદો, બ્રેડ, રિફાઈન્ડ તેલ, ચા-પત્તી લોકોના રસોડાના બજેટ બગાડવા લાગ્યા છે.લોટના 10 કિલોના પેકેટમાં 20 થી 30 રૂપિયા સુધીનો વધારો જોવામાં આવ્યો છે. આ ઉપરાંત બ્રેડનાં પેકેટ પર પણ 5 રૂપિયાનો વધારો થયો છે. રિટેલ વેપારીએ જણાવ્યુ હતું કે હાલમાં લોટથી માંડીને રિફાઈન્ડ તેલમાં વધેલા ભાવથી લોકો ખરીદીમાં કપાત કરી રહ્યા છે.વેપરારીએ જણાવ્યું હતું કે લોટના 10 કિલોના પેકેટમાં લગભગ 20 થી 30 રૂપિયાનો વધારો થયો છે. આ ઉપરાંત ચા-પત્તીનાં એક કિલોના પેકેટમાં 50 રૂપિયા સુધીનો વધારો થયો છે.બે મહિનામાં રિફાઈન્ડ તેલના ભાવમાં પણ દર લીટરે 15 રૂપિયાનો ઉછાળો આવ્યો છે. આ ઉપરાંત મેંદાના ભાવમાં દર કિલોએ 5 રૂપિયાનો વધારો થયો છે.આશંકા છે કે લોટના ભાવ હજુ વધી શકે છે. લોટના વેપારીએ જણાવ્યું હતું કે લોટના ભાવના વધારાનું મુખ્ય કારણ બજારોમાં ઘઉંની અછત છે. ગત વર્ષે કેન્દ્ર સરકારે ઓપન માર્કેટ સ્કીમ અંતર્ગત લોટ મિલ માલીકોને ઘઉં ઉપલબ્ધ કરાવવામાં આવ્યા હતા પરંતુ આ વર્ષે એવુ નહોતું થયુ. આ કારણે બજારમાં માંગ મુજબ ઘઉં નથી મળી રહ્યા. વેપારીએ જણાવ્યું હતું કે રીટેલ માર્કેટ લોટની કિંમતમાં દર કિલોએ 3 થી 4 રૂપિયાનો વધારો થયો છે.