નવી દિલ્હી: ત્રણ કંપનીઓ-વરિંદેરા કન્સ્ટ્રક્શન્સ, સંભવ સ્ટીલ ટ્યુબ્સ અને એલેનબેરી ઇન્ડસ્ટ્રિયલ ગેસને પ્રારંભિક જાહેર પ્રસ્તાવ (IPO) દ્વારા રૂ.2,100 કરોડથી વધુ એકત્ર કરવા માટે બજાર નિયામક સેબીની મંજૂરી મળી છે.
પ્રસ્તાવિત આઇ.પી.ઓ. માં નવા ઇશ્યુ કરાયેલા ઇક્વિટી શેર્સ અને હાલના શેર્સધારકો દ્વારા ઓફર ફોર સેલ (ઓ.એફ.એસ.) નો સમાવેશ થશે.
આ કંપનીઓએ સપ્ટેમ્બર અને ઓક્ટોબર 2024ની વચ્ચે આઇ.પી.ઓ. લાવવા માટે મંજૂરી મેળવવા સેબી સમક્ષ ડ્રાફ્ટ પેપર રજૂ કર્યા છે.
નિયમનકારે આખરે 21 થી 23 જાન્યુઆરી દરમિયાન તેના અવલોકનો જણાવ્યા છે, એમ સેબીની વેબસાઇટ પરના અપડેટમાં બુધવારે જણાવવામાં આવ્યું હતું.
સેબી મુજબ, અવલોકનો મેળવવાનો અર્થ એ છે કે તે પબ્લિક ઇશ્યુ લાવવા માટે આગળ વધી શકે છે.
ડ્રાફ્ટ પેપર્સ અનુસાર, વરિંદેરા કન્સ્ટ્રક્શન્સનો IPO એ ₹900 કરોડ મૂલ્યના ઇક્વિટી શેર્સના નવા ઇશ્યૂ અને પ્રમોટરો દ્વારા ₹300 કરોડ ની કિંમતના શેર્સના OFSનું મિશ્રણ છે. ઓ.એફ.એસ. હેઠળ વરિન્દર કુમાર ગર્ગ અને સુષમા ગર્ગ અનુક્રમે 201 કરોડ અને 99 કરોડ રૂપિયાના શેર્સ વેચશે.
નવા ઇશ્યૂમાંથી મળેલી રકમનો ઉપયોગ મટીરિયલ્સની ખરીદી, કંપનીની કાર્યકારી મૂડીની જરૂરિયાતોને પહોંચી વળવા, દેવાની ચુકવણી અને સામાન્ય કોર્પોરેટ હેતુઓ માટે કરવામાં આવશે.
વરિંદેરા કન્સ્ટ્રક્શન્સ એક સંકલિત ઇજનેરી, ખરીદી અને બાંધકામ (ઇ.પી.સી.) કંપની છે, જે રહેણાંક એકમો અને કાર્યાલય સંકુલ સહિત બાંધકામ પરિયોજનાઓના નિર્માણમાં તેમજ મેટ્રો ડેપો અને એરક્રાફ્ટ હેંગર જેવી માળખાગત પરિયોજનાઓ હાથ ધરવાનો અનુભવ ધરાવે છે.
ડ્રાફ્ટ પેપરમાં દર્શાવવામાં આવ્યું છે કે, સંભવ સ્ટીલ ટ્યુબ્સના IPO થકી ₹440 કરોડ મૂલ્યના ઇક્વિટી શેર્સનો નવો ઇશ્યૂ અને પ્રમોટરો દ્વારા ₹100 કરોડ મૂલ્યના શેર્સનો OFS લાવવા જઇ રહી છે.
નવા ઇશ્યૂમાંથી મળેલી રકમનો ઉપયોગ દેવાની ચુકવણી અને સામાન્ય કોર્પોરેટ હેતુઓ માટે કરવામાં આવશે.
સ્થાપિત ક્ષમતાની દ્રષ્ટિએ આ કંપની ભારતમાં ઇલેક્ટ્રિક રેઝિસ્ટન્સ વેલ્ડેડ (ઇ.આર.ડબલ્યુ.) સ્ટીલ પાઇપ અને સ્ટ્રક્ચરલ ટ્યુબ (હોલો સેક્શન) ના મુખ્ય ઉત્પાદકોમાંની એક છે.
ડ્રાફ્ટ રેડ હેરિંગ પ્રોસ્પેક્ટસ (ડી.આર.એચ.પી.) અનુસાર, કોલકાતા સ્થિત એલેનબેરી ઇન્ડસ્ટ્રિયલ ગેસનો આઇ.પી.ઓ. ₹400 કરોડ મૂલ્યના ઇક્વિટી શેર્સના નવા ઇશ્યૂ અને પ્રમોટરો દ્વારા ₹1.44 કરોડ સુધીના ઇક્વિટી શેર્સના ઓ.એફ.એસ. નું મિશ્રણ છે.
ઓ.એફ.એસ.માં પ્રમોટર-પદમ કુમાર અગ્રવાલ અને વરુણ અગ્રવાલ દ્વારા 72 લાખ ઇક્વિટી શેર્સના વેચાણનો સમાવેશ થાય છે.
નવા ઇશ્યૂમાંથી ₹1 કરોડ સુધીની આવકનો ઉપયોગ દેવાની ચુકવણી માટે કરવામાં આવશે, ₹130 કરોડનો ઉપયોગ ઉલુબેરિયા-2 પ્લાન્ટમાં એર સપ્રેશન યુનિટ સ્થાપવા માટે કરવામાં આવશે અને બાકીના ભંડોળનો ઉપયોગ સામાન્ય કોર્પોરેટ હેતુઓ માટે કરવામાં આવશે.
એલેનબેરી ભારતની સૌથી જૂની કાર્યરત ઔદ્યોગિક ગેસ કંપનીઓમાંની એક છે. આ કંપની ઓક્સિજન, કાર્બન ડાયોક્સાઇડ, નાઇટ્રોજન, હિલીયમ, હાઇડ્રોજન અને નાઇટ્રસ ઓક્સાઇડ સહિત ઔદ્યોગિક વપરાશના વાયુઓનું ઉત્પાદન અને સપ્લાય કરે છે, તેમજ સિન્થેટિક એર, અગ્નિશામક વાયુઓ, મેડિકલ ઓક્સિજન, પ્રવાહી પેટ્રોલિયમ વાયુ અને વિશિષ્ટ વાયુઓનું ઉત્પાદન અને પુરવઠો પૂરો પાડે છે.
