રિઝર્વ બેંકે શહેરી સહકારી બેંકો માટે નિયમો હળવા કર્યા

મુંબઈ : રિઝર્વ બેંકે સોમવારે જણાવ્યું હતું કે શહેરી સહકારી બેંકોનું હાઉસિંગ મોર્ગેજ (વ્યક્તિઓને આવાસ લોન) માટે કુલ રોકાણ તેમની કુલ લોન અને એડવાન્સિસના 25 ટકાથી વધુ ન હોવું જોઈએ, જેનો હેતુ ધિરાણકર્તાઓને વધુ કાર્યકારી સ્વતંત્રતા પ્રદાન કરવાનો છે.

હાલની સૂચનાઓના સંદર્ભમાં, આવાસ, રિયલ એસ્ટેટ અને વાણિજ્યિક રિયલ એસ્ટેટ લોન માટે અર્બન કો-ઓપરેટિવ બેંક (યુ.સી.બી.)નું કુલ રોકાણ તેની કુલ એસેટસના 10 ટકા સુધી મર્યાદિત છે. વ્યક્તિઓને આવાસ લોન આપવાના હેતુથી કુલ એસેટના વધારાના 5 ટકા થી 10 ટકાની ટોચમર્યાદાને વટાવી શકાય છે.

રિઝર્વ બેંકે નિયમનકારી ઉદ્દેશોને નબળા પાડ્યા વિના શહેરી સહકારી બંકોને વધુ કાર્યકારી સુગમતા આપવાના દૃષ્ટિકોણથી સુધારેલા વિવેકપૂર્ણ ધોરણો બહાર પાડ્યા છે.

“સમીક્ષા દરમિયાન, નાના મૂલ્યની લોનની વ્યાખ્યામાં સુધારો કરવાનો નિર્ણય લેવામાં આવ્યો છે, જે 25 લાખ રૂપિયાથી વધુ ન હોય તેવી લોન અથવા તેમની પ્રથમ શ્રેણીની મૂડીના 0.40 ટકા, જે પણ વધારે હોય, તે દરેક ઋણ લેનાર દીઠ 3 કરોડ રૂપિયાની ટોચમર્યાદાને આધીન છે.

હાલમાં, શહેરી સહકારી બેંકોએ તેમની કુલ લોન અને એડવાન્સિસનો ઓછામાં ઓછો 50 ટકા હિસ્સો ધરાવવા માટે નિર્ધારિત માર્ગને અનુસરવો જરૂરી છે, જેમાં 25 લાખ રૂપિયાથી વધુ ન હોય તેવી નાના મૂલ્યની લોન અથવા તેમની પ્રથમ શ્રેણીની મૂડીના 0.20 ટકા, જે પણ વધારે હોય, તે 31 માર્ચ, 2026 સુધીમાં દરેક ઋણધારક દીઠ રૂ.૧ કરોડની મહત્તમ મર્યાદાને આધિન છે.

તેમાં વધુમાં કહેવામાં આવ્યું છે કે હાઉસિંગ ધિરાણો (વ્યક્તિઓને આવાસ લોન) માટે શહેરી સહકારી બેંકોનું કુલ એક્સપોઝર, પ્રાથમિકતા ક્ષેત્ર તરીકે વર્ગીકૃત કરવા માટે પાત્ર લોકો સિવાય, તેની કુલ લોન અને એડવાન્સિસના 25 ટકાથી વધુ ન હોવું જોઈએ.

ઉપરાંત, રિયલ એસ્ટેટ ક્ષેત્રમાં શહેરી સહકારી બેંકોનું કુલ રોકાણ, વ્યક્તિઓને આવાસ લોન સિવાય, તેની કુલ લોન અને એડવાન્સિસના પાંચ ટકાથી વધુ ન હોવું જોઈએ, એમ રિઝર્વ બેંકે જણાવ્યું હતું.

રિઝર્વ બેંકે શહેરી સહકારી બેંકોને ચાર સ્તરોમાં વર્ગીકૃત કરી છે.