મારુતિ સુઝુકી હરિયાણામાં ત્રીજા પ્લાન્ટ માટે રૂ. 7,410 કરોડનું રોકાણ કરશે

નવી દિલ્હી : મારુતિ સુઝુકી ઇન્ડિયાએ બુધવારે જણાવ્યું હતું કે તેના બોર્ડે હરિયાણાના ખરખોડા ખાતે દર વર્ષે 2.5 લાખ વાહનોની ક્ષમતા ધરાવતો ત્રીજો પ્લાન્ટ સ્થાપવા માટે રૂ.7,410 કરોડનાં રોકાણને મંજૂરી આપી છે.

ખરખોડા ખાતે હાલની ક્ષમતા દર વર્ષે 2.50 લાખ એકમોની છે. મારુતિ સુઝુકીએ નિયમનકારી ફાઇલિંગમાં જણાવ્યું હતું કે, દર વર્ષે 2.50 લાખ એકમોની ક્ષમતા ધરાવતો બીજો પ્લાન્ટ નિર્માણાધીન છે. બુધવારે યોજાયેલી તેની બેઠકમાં બોર્ડે ખારખોડા ખાતે દર વર્ષે 2.50 લાખ વાહનોની ઉત્પાદન-ક્ષમતા ધરાવતો ત્રીજો પ્લાન્ટ સ્થાપવાની મંજૂરી આપી હતી, જેના માટે રૂ.7,410 કરોડનું રોકાણ જરૂરી છે, એમ કંપનીએ જણાવ્યું હતું.

પ્રસ્તાવિત ક્ષમતા વૃદ્ધિ દર વર્ષે 2.50 લાખ એકમો સુધીની હશે. આ વધારા સાથે ખરખોડા ખાતેની ક્ષમતા દર વર્ષે 7.5 લાખ યુનિટ સુધી પહોંચવાની શક્યતા છે અને પ્રસ્તાવિત ક્ષમતા 2029 સુધીમાં વધારવામાં આવશે. રોકાણને આંતરિક સ્રોતો દ્વારા ભંડોળ પૂરું પાડવામાં આવશે, કંપનીએ જણાવ્યું હતું કે, ત્રીજા પ્લાન્ટની સ્થાપના પાછળનો તર્ક નિકાસ સહિત બજારની માંગમાં વૃદ્ધિને પગલે છે.