દુબઈમાં રમાયેલી ફાઈનલમાં ભારતે ન્યૂઝીલેન્ડને 4 વિકેટે હરાવીને ત્રીજું ટાઇટલ મેળવ્યું છે. આ સાથે જ ટીમ ઈન્ડિયાએ 12 વર્ષે ટ્રોફી પર કબજો કર્યો છે. ફાઈનલમાં કેપ્ટન રોહિત શર્માએ 76 રન બનાવ્યા હતા. તો શ્રેયસ અય્યરે 48 રન બનાવ્યા હતા. અંતે રાહુલ, હાર્દિક અને જાડેજાએ ટીમને જીત અપાવી હતી.
ટીમ ઈન્ડિયાએ ફાઈનલમાં ન્યૂઝીલેન્ડને 4 વિકેટે હરાવીને ચેમ્પિયન્સ ટ્રોફી જીતી લીધી છે. દુબઈ ઈન્ટરનેશનલ સ્ટેડિયમમાં રમાયેલી મેચમાં ભારતે 49 ઓવરમાં 252 રનના ટાર્ગેટ ચેઝ કર્યો.
9 મહિનામાં કેપ્ટન તરીકે રોહિત શર્માનું આ બીજું ICC ટાઇટલ છે. તેણે ગયા વર્ષે 29 જૂને T-20 વર્લ્ડ કપ પણ જીત્યો હતો.
રોહિત શર્માએ કેપ્ટનશિપની ઇનિંગ રમી અને 76 રન બનાવ્યા. શ્રેયસ (48 રન), કેએલ રાહુલ (અણનમ 34 રન) અને અક્ષર પટેલ (29 રન) એ રન ચેઝમાં મહત્વપૂર્ણ ભૂમિકા ભજવી.
કુલદીપ યાદવે બોલિંગમાં સૌથી મોટી ભૂમિકા ભજવી હતી કારણ કે તેણે બે ઓવરમાં બે વિકેટ લીધી હતી અને રમત ભારતની તરફેણમાં લાવી હતી. તેણે રચિન રવીન્દ્ર અને કેન વિલિયમસનને પેવેલિયન મોકલ્યા. ન્યૂઝીલેન્ડ તરફથી ડેરીલ મિચેલ (63 રન) સૌથી વધુ રન બનાવનાર ખેલાડી હતો.
ચેમ્પિયન્સ ટ્રોફી ફાઇનલમાં ભારતે ન્યૂઝીલેન્ડને ચાર વિકેટે મ્હાત આપી ટ્રોફી જીતી છે. 12 વર્ષ બાદ ફરી ભારતે ફરી ચેમ્પિયન્સ ટ્રોફી જીતી છે, અગાઉ એમ એસ ધોનીની આગેવાનીમાં 2013માં ચેમ્પિયન્સ ટ્રોફી જીતી હતી. ટીમ ઈન્ડિયા અત્યાર સુધી કુલ ત્રણ વખત ચેમ્પિયન્સ ટ્રોફી જીતી ચૂકી છે. આટલું જ નહીં ચેમ્પિયન્સ ટ્રોફી ટુર્નામેન્ટમાં સૌથી વધુ રન કરવાનો રેકોર્ડ પણ ટીમ ઈન્ડિયાના નામે નોંધાયો છે. આજની જીત સાથે જ ન્યૂઝીલેન્ડ સાથેનો ભારતનો 25 વર્ષ જૂનો હિસાબ બરાબર થયો. વર્ષ 2000માં ચેમ્પિયન્સ ટ્રોફી ફાઇનલમાં ન્યૂઝીલેન્ડે ભારતને મ્હાત આપી હતી. તે મેચમાં ભારતના કેપ્ટન સૌરવ ગાંગુલીએ 117 રન ફટકાર્યા હતા.
ભારતને છઠ્ઠો ઝટકો : હાર્દિક પંડ્યા 18 રન બનાવી આઉટ
ભારતને પાંચમો ઝટકો: અક્ષર પટેલ આઉટ
ફાઇનલ મેચમાં અંતિમ 10 ઓવરોમાં મેચ અત્યંત રોમાંચક મોડ પર પહોંચી. ભારતે પાંચ વિકેટો ગુમાવી. અક્ષર પટેલ 20 રન બનાવી આઉટ થયો. હવે હાર્દિક પંડ્યા અને K L રાહુલ પર દારોમદાર.
ભારતને ચોથો ઝટકો: શ્રેયસ અય્યર હાફ સેન્ચુરીથી ચૂક્યો
રોહિત શર્માની વિકેટ બાદ શ્રેયસ અય્યરે ભારત તરફથી બાજી સંભાળી હતી. જોકે તે માત્ર 2 રનથી અડધી સદી ચૂક્યો. 62 બોલમાં 48 રન બનાવ્યા.
ભારતને ત્રીજો ઝટકો: કેપ્ટન રોહિત શર્મા તોફાની બેટિંગ બાદ આઉટ
કેપ્ટન રોહિત શર્મા આજે સારી ફૉર્મમાં બેટિંગ કરી રહ્યો હતો. રચિન રવીન્દ્ર રોહિત શર્માની વિકેટ લેવામાં સફળ રહ્યો હતો. રોહિત શર્માએ 83 બોલમાં સાત ચોગ્ગા, ત્રણ છગ્ગા સાથે કુલ 76 રન બનાવ્યા.
ભારતને બીજો ઝટકો: કોહલી સસ્તામાં આઉટ
વિરાટ કોહલીએ આજની મેચમાં સૌને નિરાશ કર્યા હતા. માત્ર એક રન બનાવી આઉટ થયો.
ભારતને પ્રથમ ઝટકો: ગિલ 31 રન મારી આઉટ
ન્યૂઝીલેન્ડના કેપ્ટન સેંટનરે ભારતના શુભમન ગિલની વિકેટ ઝડપી. ફિલિપ્સે ગિલનો કેચ પકડ્યો હતો.
રોહિત શર્માની અર્ધસદી
ફાઇનલ મેચમાં ભારતીય ટીમના કેપ્ટન રોહિત શર્માએ આક્રમક બેટિંગ કરી હતી. માત્ર 41 બોલમાં 5 ચોગ્ગા અને 3 છગ્ગા સાથે 50 રન પૂર્ણ કર્યા.
મેચની શરૂઆતથી જ રોહિતની તોફાની બેટિંગ
252 રનનો લક્ષ્ય પૂર્ણ કરવા ટીમ ઈન્ડિયા મેદાનમાં ઉતરી અને ટીમના કેપ્ટન રોહિત શર્માએ આવતાંવેંત જ ચોગ્ગા-છગ્ગા ફટકારવાની શરૂઆત કરી હતી. શરૂઆતની છ ઓવરમાં જ ટીમ ઈન્ડિયાએ 39 રન ફટકાર્યા હતા. જેમાં રોહિત શર્માએ 25 બોલમાં બે ચોગ્ગા, બે છગ્ગા ફટકાર્યા હતા.
ચેમ્પિયન્સ ટ્રોફી ટુર્નામેન્ટમાં સૌથી વધુ કેચ છોડનારી ટીમ બન્યું ભારત, ફાઇનલ મેચમાં જ 4 જીવનદાન આપ્યા
ચેમ્પિયન્સ ટ્રોફીની ફાઇનલ મેચમાં ભારતીય ક્રિકેટ ટીમે ફિલ્ડિંગમાં અનેક ભૂલો કરી. ચેમ્પિયન્સ ટ્રોફીની ટુર્નામેન્ટમાં ભારતીય ટીમે કુલ 11 કેચ છોડ્યા. 9મી માર્ચે રમાયેલી ફાઇનલ મેચમાં ભારતીય ટીમે ચાર કેચ છોડ્યા, જેમાં રચિન રવીન્દ્રને તો બે વખત જીવનદાન મળ્યું. મોહમ્મદ શમી અને શ્રેયસ અય્યરે રચિનના કેચ છોડ્યા. રોહિત શર્માએ ડેરિલ મિચેલ, શુભમન ગિલે ફિલિપ્સને જીવનદાન આપ્યું. આ સાથે જ ટીમ ઈન્ડિયા ચેમ્પિયન્સ ટ્રોફી 2025માં સૌથી વધુ કેચ ડ્રોપ કરનારી ટીમ બની ગઈ છે.
મોહમ્મદ શમી જલવો બતાવી શક્યો નહીં
આઈસીસી ચેમ્પિયનશીપ ટૂર્નામેન્ટમાં ઉમદા બોલિંગ કરનારો મોહમ્મદ શમી ફાઈનલમાં પોતાનો જલવો બતાવી શક્યો ન હતો. શમીને પ્રથમ છ ઓવરમાં કોઈ વિકેટ હાથ લાગી ન હતી. સાતમી ઓવરે મિચેલની વિકેટ લેવામાં સફળ રહ્યો હતો. આ સાથે આજની ટૂર્નામેન્ટમાં શમીએ નવ ઓવરમાં 74 રન આપી એક જ વિકેટ ઝડપી છે.
ભારતના સ્પિનર્સનો દબદબો
ટીમ ઈન્ડિયાના સ્પિનર્સનો આજે ફાઈનલ મેચમાં પણ દબદબો જોવા મળ્યો હતો. વરૂણ ચક્રવર્તી અને કુલદીપ યાદવે 2-2 વિકેટ ઝડપી હતી. જ્યારે રવિન્દ્ર જાડેજા પણ એક વિકેટ લેવામાં સફળ રહ્યો હતો.
ટીમ ઈન્ડિયાને મળ્યો 252 રનનો ટાર્ગેટ
ન્યૂઝીલેન્ડની ટીમે ટીમ ઈન્ડિયાને 252 રનનો ટાર્ગેટ આપ્યો છે. ન્યૂઝીલેન્ડે 50 ઓવરમાં સાત વિકેટના નુકસાને 251 રન બનાવ્યા છે.
કેપ્ટન સેન્ટનર રન આઉટ
ન્યૂઝીલેન્ડનો કેપ્ટન સેન્ટનરને વિરાટ કોહલીએ રન આઉટ કર્યો છે. દસ બોલમાં આઠ રન બનાવી સેન્ટનર પેવેલિયન ભેગો થયો હતો.
શમી અંતે વિકેટ લેવામાં સફળ, મિચેલ કેચ આઉટ
પાવર પ્લે 3માં મોહમ્મદ શમી અંતે વિકેટ લેવામાં સફળ રહ્યો છે. શમીની સાતમી ઓવરમાં બે ચોગ્ગા ફટકાર્યા બાદ મિચેલ ચોથા બોલે કેચ આઉટ થયો હતો. રોહિત શર્માએ કેચ આઉટ કર્યો હતો.
