રાજ્યભરની સ્કૂલ અને કોલેજોમાં આજથી દિવાળી વેકેશન પૂર્ણ થતાં ફરીથી સ્કૂલ કોલેજ શરૂ થયા છે.ગુજરાત બોર્ડમાં શૈક્ષણિક વર્ષ 2024-25 માટેનું એક સત્ર દિવાળી અગાઉ પૂર્ણ થયું હતું આજથી બીજું સત્ર શરૂ થયું છે.વિદ્યાર્થીઓ ઉત્સાહ સાથે સ્કૂલમાં આવ્યા છે.મોટાભાગની સ્કૂલોમાં હવે પ્રથમ સત્રની પરીક્ષાનું પરિણામ આપીને બીજા સત્રનો પ્રારંભ કરવામાં આવશે.
રાજ્યભરની સ્કૂલોમાં 26 ઓકટોબરથી દિવાળી વેકેશન જાહેર કરવામાં આવ્યું હતું.દિવાળી વેકેશન અગાઉ જ સ્કૂલોમાં પ્રથમ સત્રની પરીક્ષાઓ પૂર્ણ થઈ હતી જે બાદ 21 દિવસનું વેકેશન હતું.વેકેશન પૂર્ણ થતાં આજથી ફરીથી સ્કૂલો રાબેતા મૂજબ શરૂ થઈ છે.સ્કૂલોમાં બીજા સત્રનો પ્રારંભ થયો છે જેની પરીક્ષા 20.જાન્યુઆરીએ યોજાશે. બોર્ડની પરીક્ષા વહેલા યોજાવવાની હોવાથી સ્કૂલમાં બીજી પરીક્ષા પણ એક સપ્તાહ વહેલા યોજાશે.વેકેશન પૂર્ણ થતાં વિદ્યાર્થીઓ ઉત્સાહભેર સ્કૂલોમાં ફરીથી આવ્યા છે.મિત્રો અને શિક્ષકોને મળ્યા બાદ વિદ્યાર્થીઓ ખુશ જોવા મળ્યા હતા.
