ગાંધીનગર : ટાટા ઇલેક્ટ્રોનિક્સ તાઇવાન સ્થિત પી.એસ.એમ.સી. અને હિમેક્સ ટેક્નોલોજીસ સાથે ભાગીદારીમાં ગુજરાતમાં ડિસ્પ્લે ચિપ ઉત્પાદન એકમ સ્થાપશે, એમ કંપનીના એક ટોચના અધિકારીએ બુધવારે જણાવ્યું હતું. આઇ.ઇ.એસ.એ. વિઝન સમિટમાં બોલતા, ટાટા ઇલેક્ટ્રોનિક્સના ચીફ એક્ઝિક્યુટીવ ઓફીસર રણધીર ઠાકુરે ગુજરાત સરકાર સાથે પ્લાન્ટ માટે કરાર પર હસ્તાક્ષર કરવાની જાહેરાત કરી. “આજે, મને ભારતના ડિસ્પ્લે પ્રોડક્ટ અને ટેકનોલોજી ઇકોસિસ્ટમમાં ક્રાંતિ લાવવા માટે ટાટા ઇલેક્ટ્રોનિક્સ, પી.એસ.એમ.સી. અને હિમેક્સ વચ્ચે સમજૂતી કરાર પર હસ્તાક્ષર કરવાની જાહેરાત કરતા આનંદ થાય છે. પી.એસ.એમ.સી.ની પૂરવાર થયેલ ટેકનોલોજી સાથે, ટાટા ઇલેક્ટ્રોનિક્સ ગુજરાતના ધોલેરામાં હિમેક્સ માટે ડિસ્પ્લે ચિપ્સનું ઉત્પાદન કરશે,” ઠાકુરે જણાવ્યું.
ડિસ્પ્લે ચિપ્સનો ઉપયોગ ટેલિવિઝન, મોબાઇલ ફોન સ્ક્રીન, કેમેરા ઇમેજ સેન્સર, એલ.ઇ.ડી., ઓ.એલ.ઇ.ડી. વગેરે ઉત્પાદનોમાં વ્યાપકપણે થાય છે. વેદાંતા ગ્રુપે ગુજરાતમાં ડિસ્પ્લે ફેબ સ્થાપવાનો પણ પ્રસ્તાવ મૂક્યો હતો પરંતુ આ પ્રોજેક્ટને હજુ સુધી સરકારની મંજૂરી મળી નથી. ડિસ્પ્લે મેન્યુફેક્ચરિંગમાં પ્રવેશ સાથે, ટાટા ઇલેક્ટ્રોનિક્સ ટોચના ત્રણ સેમિકન્ડક્ટર મેન્યુફેક્ચરિંગ સેગમેન્ટમાં હાજરી ધરાવશે.
આ પ્રોજેક્ટ હેઠળ, ટાટા ઇલેક્ટ્રોનિક્સ, હિમેક્સ અને પીએસએમસી તેમના પરસ્પર ગ્રાહકો માટે ચિપ ડિઝાઇનથી લઈને ચિપ ઉત્પાદન અને પેકેજિંગ, તેમજ ભારતીય અને વૈશ્વિક બજારો બંનેમાં ઇલેક્ટ્રોનિક્સ ઉત્પાદન સેવાઓ (ઇ.એમ.એસ.) સુધી વ્યાપક, એન્ડ-ટુ-એન્ડ ડિસ્પ્લે સેમિકન્ડક્ટર સોલ્યુશન્સ પહોંચાડવા માટે તેમની સંબંધિત શક્તિઓનો ઉપયોગ કરવાનો લક્ષ્યાંક રાખે છે. “આ સહયોગ દ્વારા, અમે વૈશ્વિક સપ્લાય ચેઇન સ્થિતિસ્થાપકતાને વધારવા સાથે ભારતના મેડ ઇન ઇન્ડિયા પહેલને ટેકો આપવા માટે ડિસ્પ્લે સેમિકન્ડક્ટર અને વાઈઝઆઈ અલ્ટ્રાલો પાવર એઆઈ સેન્સિંગમાં હિમેક્સની ઉદ્યોગ-અગ્રણી કુશળતા લાવવાનું લક્ષ્ય રાખીએ છીએ. આ ભાગીદારી ભારતીય અને આંતરરાષ્ટ્રીય બજારોની વિકસતી જરૂરિયાતોને પૂર્ણ કરતા અત્યાધુનિક ડિસ્પ્લે સોલ્યુશન્સ પહોંચાડવાની અમારી પ્રતિબદ્ધતા પર ભાર મૂકે છે,” હિમેક્સ ટેક્નોલોજીસના સહ-સ્થાપક અને સીઈઓ જોર્ડન વુએ જણાવ્યું હતું.
ટાટા ઇલેક્ટ્રોનિક્સ પહેલાથી જ ગુજરાતમાં લગભગ રૂ. 91,000 કરોડના રોકાણ સાથે સેમિકન્ડક્ટર ફેબ્રિકેશન પ્લાન્ટ સ્થાપવાની પ્રક્રિયામાં છે, જેમાં પી.એસ.એમ.સી. તેના ટેકનોલોજી ભાગીદાર છે.
પાવરચિપ સેમિકન્ડક્ટર મેન્યુફેક્ચરિંગ કોર્પોરેશને વિશ્વની સાતમી સૌથી મોટી પ્યોર-પ્લે ફાઉન્ડ્રી છે, જેમાં તાઇવાનમાં ચાર 12-ઇંચ અને બે 8-ઇંચ ફેબ્સ છે, જે વાર્ષિક 2.1 મિલિયનથી વધુ 12-ઇંચ સમકક્ષ વેફર્સનું ઉત્પાદન કરવામાં સક્ષમ છે. ટાટા આસામમાં રૂ. 27,000 કરોડના રોકાણ સાથે ચિપ એસેમ્બલી પ્લાન્ટ પણ સ્થાપી રહી છે.
