મુંબઇઃ ઇન્ડિયન હોટેલ્સ કંપની લિમિટેડ (IHCL) એ મંગળવારે તેની ગેટવે બ્રાન્ડ હેઠળ ઉત્તરાખંડના દહેરાદૂનમાં 100-કી હોટલ બાબત કરાર કરવાની જાહેરાત કરી હતી.
“મસૂરી, ઋષિકેશ અને હરિદ્વાર જેવા લોકપ્રિય સ્થળોથી દહેરાદૂનનું ઓછું અંતર પ્રવાસીઓ, યાત્રાળુઓ અને વેપારી પ્રતિનિધિમંડળો સહિત તમામને આકર્ષિત કરતું રહ્યું છે, જે પ્રવાસનમાં નોંધપાત્ર વધારો કરે છે.
આ ઉચ્ચ વૃદ્ધિ ધરાવતા બજારોમાં પ્રવેશવાની અમારી વ્યૂહરચના સાથે સુસંગત છે. ગેટવે દહેરાદૂનના ઉમેરા સાથે, અમે શહેરમાં પંચ-તારક હોટલની બહુવિધ-બ્રાન્ડ હાજરીને મજબૂત બનાવીશું. આ પ્રોજેક્ટ માટે મોહમ્મદ ઇલિયાસ સાથે ભાગીદારી કરવામાં અમને આનંદ થાય છે”, તેમ IHCL ના સુમા વેંકટેશે એક નિવેદનમાં જણાવ્યું હતું.
આ હોટલના ઉમેરા સાથે, IHCL ઉત્તરાખંડમાં 17 હોટલ ધરાવશે, જેમાં સાત નિર્માણાધીન હશે.
