મુંબઇ: આવાડા ગ્રૂપે બુધવારે જણાવ્યું હતું કે તેણે તેના નવ પ્રોજેક્ટ માટે સ્ટેટ બેંક ઓફ ઇન્ડિયા અને યસ બેંક સહિત બહુવિધ ધિરાણ સંસ્થાઓ પાસેથી ₹8,500 કરોડ સુનિશ્ચિત કર્યા છે.
9 પ્રોજેક્ટ માટે નાણાકીય જોગવાઇઓમાં યુટિલિટી-સ્કેલ ઇન્ડિપેન્ડન્ટ પાવર પ્રોજેક્ટ્સ (આઇ.પી.પી.એસ.), લાર્જ સ્કેલ એગ્રી ફોટોવોલ્ટેઇક પ્રોજેક્ટ્સ, કોમર્શિયલ પાવર જનરેશન પ્રોજેક્ટ્સ, વ્યાપારી અને ઔદ્યોગિક પ્રોજેક્ટ્સ અને જૂથના ગ્રીન મોડ્યુલ મેન્યુફેક્ચરિંગ બિઝનેસનો સમાવેશ થાય છે.
“આવાડા ગ્રૂપે સમગ્ર ભારતમાં પુનઃપ્રાપ્ય ઊર્જા સમાધાનોને આગળ ધપાવવા માટે કંપનીની પ્રતિબદ્ધતાને દર્શાવતા પોતાનાં વિવિધ બિઝનેસ મોડ્યુલ્સમાં કુલ 9 પ્રોજેક્ટ્સનું ધિરાણ/પુનર્ધિરાણ સબબ ₹8,500 કરોડ ($1 અબજ) સુનિશ્ચિત કર્યા છે.” કંપની દ્વારા જાહેર કરાયેલ નિવેદનમાં આમ જણાવવામાં આવ્યું છે.
આ ધિરાણ સ્ટેટ બેંક અને યુનિયન બેંક જેવી અગ્રણી જાહેર ક્ષેત્રની બેંકો, NABFID અને PFC જેવી નાણાકીય સંસ્થાઓ અને સ્ટાન્ડર્ડ ચાર્ટર્ડ, એક્સિસ બેંક, યસ બેંક, ટાટા કેપિટલ, અસીમ ઇન્ફ્રા અને NIIF જેવા વિવિધ ધિરાણકર્તાઓ સાથે બહુવિધ વ્યવહારો દ્વારા થયું હતું.
આવા મોટા ધિરાણકર્તાઓના જૂથ પાસેથી નાણાકીય પ્રતિબદ્ધતાઓ મેળવવી એ જૂથની વિવિધ નવીનીકરણીય ઊર્જા પરિયોજનાઓનું માળખું અને અમલ કરવાની ક્ષમતા દર્શાવે છે, એમ આવાડા જૂથના અધ્યક્ષ વિનીત મિત્તલે જણાવ્યું હતું.
અવાડા ગ્રુપ સૌર મોડ્યુલ ઉત્પાદન, પુનઃપ્રાપ્ય સ્ત્રોતોમાંથી ઉર્જા ઉત્પાદન અને ગ્રીન હાઇડ્રોજન, ગ્રીન મિથેનોલ, ગ્રીન એમોનિયા અને સસ્ટેનેબલ એવિએશન ફ્યુલ પ્રોજેક્ટના વિકાસમાં નિપુણતા ધરાવે છે.
